| e-texts navigator |
| Wylie |
282a1 ཚུགས་སོ།། སྔགས་ཀྱི་སྲུང་བ་ཞེས་བྱའོ།། འཁོར་ལོ་རྣམས་ནི་རིམ་བཞིན་བྲི།། ས་དབུས་ལ་སོགས་འཁོར་ལོ་ལ།། ཡི་གེའི་ཕྲེང་བའི་འོད་གསལ་བཅས།། དབུས་སུ་བདེ་གཤེགས་འཁོར་དང
282a2 བཅས།། མཐའ་མར་ཕྲ་མེན་ལས་མཁན་སོགས།། གང་གིས་སྲུང་བའི་མིང་དང་བཅས།། སྤེལ་ལ་བྲིས་ལ་བཟླས་པ་བྱ།། སོ་སོའི་གནས་རྣམས་སུ་བཏགས་ན།། བདེ་གཤེགས་ཁྲོས་པ་གང་གིས་ཀྱང་།། དེ་ལ་ཚུགས
282a3 པར་མི་འགྱུར་རོ།། སྔགས་ཀྱི་སྲུང་བ་ཞེས་བྱའོ།། འབྲས་བུ་གསུམ་དང་བ་ལེ་ཀ། ཨ་ག་རུ་དང་དུ་རུ་ཀ། འབའ་ཧུ་གྲིབ་མར་སྐམས་པ་རྣམས།། ཕྱེ་མར་བཏགས་ཏེ་རི་ལུ་བྱ།། བདུད་རྩི་ལྔ་ཡིས་སྦྲུས་ནས་ནི།། བྷནྠ
282a4 གླིང་བཞིའི་ནང་དུ་གཞུག། སྔགས་ཀྱི་བཟླས་པ་ཁྲི་རུ་བྱ།། ཤིང་ཤུན་གཏུམས་ལ་མགུལ་དུ་གདགས།། མཁའ་འགྲོ་ཁྲོས་པས་ཚུགས་མི་འགྱུར།། སྨན་གྱི་སྲུང་བ་ཞེས་བྱའོ།། ཉིན་མཚན་ཐུན་བཞིའི་བར་དུ་ནི།། ཕྱག
282a5 བཞི་ཡི་རྒྱ་ཡང་གདབ།། བདུད་རྩི་ལྔ་ཡིས་ལུས་ལ་བྱུག། སྨན་གྱི་རིལ་བུ་མགུལ་དུ་གདགས།། འཁོར་ལོ་བཞི་ནི་ལུས་ལ་གདགས།། ཁྲོས་པའི་སེམས་སུ་གནས་བྱས་ན།། སྔགས་པ་ནང་གིས་ཚུགས་མི
282a6 འགྱུར།། སྔགས་དང་སྨན་གྱི་སྦྱོར་བས་བསྲུངས།། འཁོར་ལོར་འབར་བ་བཞིར་བྱས་ན།། དུར་ཁྲོད་རས་ལ་གསལ་བྲིས་ནས།། འཁོར་ལོ་བྱིན་བརླབ་དབང་ཡང་བསྐུར།། སྔགས་ཀྱིས་ཁྲོས་པའི་ཐབས་སུ
iiif viewer powered by OpenSeadragon
