| e-texts navigator |
| Wylie |
281b1 དབུལ།། གང་འདོད་ལས་རྣམས་རབ་བཅོལ་བསྐུལ།། ཀླད་ལ་ལན་གསུམ་འཁོར་ལོ་བསྐོར།། བསྲུང་འདོད་ལག་གཡོན་དཔུང་རྩར་གདགས།། ཅིས་ཀྱང་ཚུགས་པར་མི་འགྱུར་རོ།། འཁོར་ལོ་བསྲུང་བ་ཞེས
281b2 བྱའོ།། དུར་ཁྲོད་རས་མ་བླངས་ནས་སུ།། སོར་བཞི་དུམ་བུ་གཉིས་སུ་བྱ།། གཅིག་ལ་ཉི་མའི་འོད་དང་བཅས།། གཅིག་ལ་ཟླ་བ་མདོག་དང་བཅས།། ཡོངས་སུ་རྫོགས་པའི་ཁ་དོག་ཅན།། དེ་དབུས་ཡི་གེའི་ཕྲེང་བ
281b3 ཅན།། ཡབ་ཡུམ་གཉིས་པོ་སོ་སོར་བྲི།། དེ་ལ་སྔགས་ཀྱི་བཟླས་པ་བྱའོ།། གུ་གུལ་ཆུས་བྱུགས་ཁ་སྤྲད་རྒྱ།། རྡོ་རྗེ་རྒྱ་གྲམ་གྱིས་ཁ་བཅིང་།། རིལ་བུ་བྱས་ཏེ་སྙིང་གར་གདགས།། སངས་རྒྱས་ཁྲོས་པས་མི་ཚུགས
281b4 ན།། བགེགས་ལ་སོགས་པས་སྨོས་ཅི་དགོས།། ཁ་སྦྱོར་སྲུང་བ་ཞེས་བྱའོ།། ལྕེ་པོག་དཀར་ནག་གཉིས་ཀྱང་སོགས།། ཚིལ་ཆེན་དུར་ཁྲོད་རས་ལ་ཕུར།། སྔགས་བཟླས་བྱིན་བརླབ་ཉུང་ནག་གིས།། བཟླས་པ་བྱས་ལ
281b5 མགུལ་དུ་གདགས།། སངས་རྒྱས་ཀྱིས་ཀྱང་མི་ཚུགས་ན།། ལོག་འདྲེན་བགེགས་ལྟ་སྨོས་ཅི་དགོས།། རྫས་ཀྱི་སྲུང་བ་ཞེས་བྱའོ།། ཁྲོ་བཅུའི་སྔགས་ཀྱི་ཕྲེང་བ་ནི།། དུར་ཁྲོད་སྣག་ཚས་ཤིང་ཤུན་བྲི།། དུར་ཁྲོད་སྦུ་གུས
281b6 སྔགས་བྲིས་ལ།། ཁམ་ཕོར་ཁ་སྐྲར་ནང་དུ་གཞུག། སྔགས་ཀྱི་བཟླས་པ་འབུམ་དུ་བྱ།། དེ་ནས་ཁ་སྒོར་ཕྱེ་ནས་ནི།། ཁྲོ་བཅུར་བསྟོད་པ་བྱས་ནས་ནི།། རས་ལ་གྲིལ་ཏེ་མགུལ་དུ་གདགས།། ཁྲོས་པའི་རྒྱལ་པོས་མི
iiif viewer powered by OpenSeadragon
