| e-texts navigator |
| Wylie |
280a1 པོའི་ཆུས་བཀང་ལ།། ཨ་ཤོ་གནྡྷའི་ཁ་རྒྱན་བྱ།། དེ་ལ་ལྕགས་ཀྱུའི་འཕྲོ་འདུ་ཡིས།། དབང་གི་ལས་རྣམས་དེ་ཡིས་སོ།། འདོད་ཆགས་འཇོམས་པའི་དཀྱིལ་འཁོར་དུ།། རྣལ་འབྱོར་དམ་པ་བདག་གནས
280a2 ལ།། ཟངས་ལ་སོགས་པའི་རིན་ཆེན་ནམ།། དམར་པོའི་ཤིང་ལས་བྱས་པ་ཡི།། ཕུར་པ་ཟླ་གམ་རྩེ་བྱས་ལྔ།། དམར་སྨུག་ལྷ་ཚོགས་སྤྱན་ཡང་དྲང་།། དགའ་དང་ཆགས་པའི་ཏིང་འཛིན་གྱིས།། ཟླ་གམ་ཁ་ལ་སོར་བཞི།
280a3 མཆུ།། ཁ་ལ་སོར་ནི་ཉི་ཤུ་སྟེ།། ཕྱེད་ལོགས་གཏིང་དུ་བརྐོ་བར་བྱ།། སོར་གསུམ་ཕྱིར་བཀྱེད་ཁ་ཁྱེར་ཏེ།། ལྕགས་ཀྱུ་ཞགས་པས་རྣམ་པར་བརྒྱན།། ཁ་དོག་དམར་པོར་བྱུགས་པ་སྟེ།། ཡམ་ཤིང་སྲིད་དུ་སོར་ལྔ
280a4 པ།། འདབ་ཆགས་སྦོམ་དུ་ཆག་གང་པ།། ཟླ་བ་ཉི་མ་ཆུ་སྨན་དྲི།། བདུད་རྩི་ལྔ་ལ་རབ་སྤངས་ཏེ།། དབང་གི་ལས་ལ་བསྒྲིམས་ལ་དབུལ།། བུད་ཤིང་དམར་པོའི་མེ་སྦར་ཏེ།། རྣལ་འབྱོར་ཁ་ནི་ནུབ་ཏུ་བལྟས།། དབང
280a5 གི་ཏིང་འཛིན་བྱེ་བྲག་བྱ།། ཟངས་ཕྱེ་འབྲུ་རྣམས་དམར་པོ་ལ།། གཏོར་མ་བྱས་ཏེ་ལས་མཁན་སྦྱིན།། སྐུར་ཞིང་མངར་བའི་རྫས་རྣམས་ཀྱིས།། དབང་གི་ཚུལ་དུ་སྦྱིན་བསྲེག་བྱ།། ཡ་ཡི་ཚོགས་ཀྱི་དཀྱིལ་འཁོར
280a6 དུ།། འདོད་ཆགས་ལས་ཀྱིས་འཆེལ་བ་རྣམས།། འགྲོ་གང་དབང་དུ་བསྡུ་བ་ལ།། བུམ་པས་དབང་བྱས་མཐར་སྦྱིན་བསྲེག། དབང་དུ་བསྡུས་ནས་དབྱིངས་སུ་རོལ།། འཇིག་རྟེན་ཁམས་ནི་རབ་འབྱམས་ན།། ཤིན་ཏུ
iiif viewer powered by OpenSeadragon
