| e-texts navigator |
| Wylie |
27b1 བཞི་པ་ལ་སྒོ་བཞི་པ།། རྟ་བབས་རྣམ་པ་བཞིས་ནི་བརྒྱན།། དར་དང་དྲིལ་བུ་ཆུན་པོ་དང་།། ཉི་མ་ཟླ་བས་རྣམ་པར་བརྒྱན།། རིན་ཆེན་མུ་ཏིག་འབྲས་བུས་སྤྲས།། དོ་ཤལ་རྐང་གདུབ་རྣམས་ཀྱིས་བརྒྱན།། སྣ་ཚོགས
27b2 གཟུགས་ནི་རྣམ་བྲེས་པ།། སྣ་ཚོགས་ཕྲེང་བ་གོས་ཀྱིས་བརྒྱན།། སྲད་བུ་བཞི་དང་ལྡན་པ་སྟེ།། ཀ་བ་མཆོག་བརྒྱད་ཡང་དག་ལྡན།། དབུས་སུ་དགའ་བྱེད་སྟན་ལ་ནི།། དངུལ་ལ་སོགས་པས་རྣམ་པར་བརྒྱན།། སྣ
27b3 ཚོགས་པདྨའི་དར་གྱིས་གཡོགས།། ཐམས་ཅད་སྟན་ལ་དེ་དག་ཅེས།། དབུས་སུ་རྡོ་རྗེ་སེམས་དཔའ་ནི།། སྟན་དེ་ལ་ནི་གཞག་པར་བྱ།། ཚད་མེད་པདྨོ་དམར་འདྲ་བ།། སྣ་ཚོགས་རྒྱན་གྱིས་རྣམ་པར་བཀླུབས།། ཡིད
27b4 བཞིན་ནོར་བུ་དབུ་རྒྱན་ལྡན།། རིན་ཆེན་གཙུག་ནི་རྣམ་པར་མཛེས།། ཚད་མེད་དང་ནི་སྦྱང་བ་ཡི།། དབུ་ལ་ཆུན་པོས་མཛེས་པར་བྱས།། སྣ་ཚོགས་ཡེ་ཤེས་རབ་ཏུ་གནས།། ཆུ་སྐྱེས་སྤྱན་ནི་རབ་ཏུ་རྒྱས།། དགའ་བྱེད
27b5 ཡིད་ཙམ་གཡོན་དུ་འདུད།། གཡས་ཀྱི་ཕྱག་གིས་རྡོ་རྗེ་ཆེ།། སྙིང་གར་གསོར་ལ་རབ་ཏུ་བརྩོན།། བདེ་ལ་སོགས་པ་ཡོན་ཏན་ལྡན།། ཐོག་མ་ཉིད་དུ་རྣམ་པར་གཞག། སློབ་མའམ་ཡང་ན་གཞན་ཡང་རུང་།། མཚན
27b6 ཀུན་གྱིས་ནི་རྣམ་བརྒྱན་ལ།། ཚུལ་བཞིན་བྱིན་གྱིས་བརླབས་བྱ་སྟེ།། དབུས་ཀྱི་དཀྱིལ་དུ་གཞག་པར་བྱ།། བདག་ཉིད་ཀྱང་ནི་མཉམ་བཞག་སྟེ།། དེ་ལ་སོགས་པ་ཡོན་ཏན་གཙོ།། དབུས་ཀྱི་སྟན་ལ་འདུག་པ
iiif viewer powered by OpenSeadragon
