| e-texts navigator |
| Wylie |
27a1 མགོ། ཟད་རློན་ཟ་བའི་ཕྲ་མན་མ།། སྲིག་དུར་རྐུན་ལ་ཡི་མགོ། དུར་སྲྀ་མ་ཡི་ཕྲ་མེན་མ།། ཤྲ་ན་ཤ་འདྲད་སྦྲང་མོ་མགོ།། ཤ་ཆེན་ཟ་བའི་ཕྲ་མེན་མ།། གྲྀ་དྷ་ཁྲག་འཐུང་བྱ་རྒོད་མགོ།། ཁྲག་ཚལ
27a2 བའི་ཕྲ་མེན་མ།། ཀང་ཀ་མུ་ཀ་དུར་བྱའི་མགོ།། དུག་གསུམ་འཇོམས་པའི་ཕྲ་མེན་མ།། ཁ་ཁ་རྒྱུ་འདྲེན་ཕོ་རོག་མགོ།། དགྲ་བགེགས་འདུལ་བའི་ཕྲ་མེན་མ།། ཧུ་ལུ་ཚེ་འཕྲོག་འུག་པའི་མགོ།། གློ་སྙིང་ཟ་བའི་ཕྲ་མེན
27a3 མ།། སྟག་གཡག་ཤ་བ་སེང་གེའི་མགོ།། བྱི་ལ་སྦྱང་ཀི་ཝ་ཡི་མགོ།། དོམ་དྲེད་ཕག་གི་མགོ་ཅན་རྣམས།། ཐུགས་དམ་བཞིན་དུ་ལས་བྱོས་ཤིག། དེ་སྐད་ཅེས་བཀའ་སྩལ་པ་དང་།། ཆགས་པ་མེད་པའི་སྦྱོར་བས་སྐུ་ལ
27a4 འཁྲིལ་ཅིང་།། ལས་མཐར་ཕྱིན་པར་མཛད་དོ།། དེ་ནས་བཅོམ་ལྡན་འདས་ཀྱིས་སྒོ་བ་རྣམས་ལ་བཀའ་སྩལ་པ།། ཛཿཛཿལྕགས་ཀྱུ་གློ་སྙིང་འདྲེན།། ཨ་མོ་སྔོན་མོ་ཟོད་སྦྲུལ་ཞགས།། ཨ་ལི་དམར་མོ་ལྕགས་སྒྲོག
27a5 སྡོམ།། བས་ནི་ལྗང་གུ་དྲིལ་འཁྲོལ་དགྱེས།། བཀའ་སྩལ་པ་བཞིན་དུ་ཉན་པར་མཛད་དོ།། བཅོམ་ལྡན་འདས་དཔལ་ཀུན་ཏུ་བཟང་པོ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་ཡེ་ཤེས་ཀྱི་ཁྲོ་བོ་དཀྱིལ་འཁོར་གྱི་ལེའུ
27a6 སྟེ་གཉིས་པའོ།། །། དེ་ནས་བཅོམ་ལྡན་འདས་དཔལ་ལྷ་མོ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་།། རྣལ་འབྱོར་མའི་དཀྱིལ་འཁོར་འདི་ཕྱུང་ངོ་།། གྲུ
iiif viewer powered by OpenSeadragon
