| e-texts navigator |
| Wylie |
279b1 དུ།། རྣལ་འབྱོར་ཏིང་འཛིན་ལ་གནས་ནས།། རིན་ཆེན་ཁ་དོག་སེར་པོའམ།། སེར་པོའི་ཤིང་ལས་བྱས་པ་ཡི།། ཕུར་པའི་རྩེ་མོ་ཟུར་བཞིར་བྱ།། རྒྱས་པའི་ལྷ་ཚོགས་སྤྱན་ཡང་དྲང་།། དང་བའི་སེམས་སུ་བདག་གནས
279b2 ལ།། གྲུ་བཞི་རྒྱ་རུ་ཁྲུ་གསུམ་བྱ།། ཁྲུ་དོ་ཐབ་ཁུང་ཕྱེད་ལོགས་ནང་།། སོར་བཞི་ཕྱིར་གྱེད་ཁ་ཁྱེར་ཏེ།། ཞེང་དང་དཔངས་སུ་སོར་བཞིའོ།། རྡོ་རྗེ་འཁོར་ལོ་པདྨས་སྤྲས།། ཁ་དོག་སེར་པོ་རྒྱས་པར་བྱུག། སྲིད་དུ་ཁྲུ་གང
279b3 སྦོམ་དུ་ནི།། ཆག་པ་གང་དུ་ཡོད་པ་དབུལ།། ཞོ་དང་མར་དང་ལྡོང་རོས་དང་།། སེར་པོ་དྲི་ལ་མར་སྒྲོལ་ལ།། རྒྱས་པའི་ལས་ལ་རྩེ་གཅིག་དབུལ།། བུད་ཤིང་སེར་པོའི་ཤིང་ལ་བྱ།། རྣལ་འབྱོར་ཤར་དུ་ཁ་བལྟས
279b4 ལ།། ཏིང་འཛིན་བྱེ་བྲག་བྱ་བ་ཡིན།། སེར་པོའི་འབྲུ་རྣམས་སེར་པོ་ལ།། གཏོར་མ་བྱས་ལ་ལས་མཁན་སྦྱིན།། ཁ་བའི་རོ་ཡོད་སེར་པོའི་རྫས།། རྒྱས་པའི་ཚུལ་དུ་སྦྱིན་བསྲེག་བྱ།། མ་ཡི་ཚོགས་ཀྱི་དཀྱིལ་འཁོར
279b5 དུ།། ང་རྒྱལ་ལས་ཀྱིས་འཆེལ་བ་ཡི།། འགྲོ་བ་གང་དང་གང་དག་ལ།། བུམ་པ་རྒྱས་བྱས་མཐའ་སྦྱིན་བསྲེག། རྒྱས་པར་འགྱུར་བས་དབྱིངས་སུ་རོལ།། འཇིག་རྟེན་ཁམས་ནི་རབ་འབྱམས་ན།། ཆགས་པར་གྱུར་པའི
279b6 འགྲོ་གང་ལ།། དབང་གི་ལས་ལ་སྦྱར་བར་གསུངས།། ཟླ་མཚན་ཅན་གྱི་ཆུ་གླིང་དུ།། སྣང་བ་མཐའ་ཡས་དཀྱིལ་འཁོར་བསྒོམ།། སྡོང་གཅིག་མ་ཡི་གཟུངས་མ་བཟུང་།། རིན་ཆེན་བུམ་པ་དམར་པོ་རུ།། ཙནྡན་དམར
iiif viewer powered by OpenSeadragon
