| e-texts navigator |
| Wylie |
279a1 མཆུ་རུ་མཛུབ།། འོ་མ་སྦྲང་རྩི་ཙནྡན་དཀར།། ཨ་ག་རུ་དང་དྲི་ཞིམ་ཆུས།། སྤངས་པ་ཞི་བའི་ལས་སུ་དབུལ།། བུད་ཤིང་དཀར་པོ་བྱང་ཆུབ་ཤིང་།། བསྲེག་རྫས་གཡས་ལ་མཆོད་རྫས་གཡོན།། རྫས
279a2 མས་དཀར་པོ་མར་སྣ་དྲང་།། བྱང་དུ་ཁ་བལྟས་ཏིང་འཛིན་བྱའོ།། བམ་གྱི་ཚོགས་ཀྱི་དཀྱིལ་འཁོར་དུ།། ཞི་བའི་ལྷ་ཚོགས་སྤྱན་ཡང་དྲང་།། སྙིང་རྗེ་བྱམས་པས་མཆོད་པ་བྱ།། ལས་མཁན་ཕྱོགས་སྐྱོང་ལ་ཡང
279a3 སྦྱིན།། དཀར་ལ་མངར་བའི་རྫས་རྣམས་ཀྱིས།། ཞི་བའི་ཚུལ་དུ་སྦྱིན་བསྲེག་བྱ།། དངུལ་ཕྱེ་འབྲས་ཆན་དཀར་པོ་ལ།། གཏོར་མ་བྱས་ཏེ་ཕྲིན་ལས་བཅོས།། བམ་གྱི་ཚོགས་ཀྱི་དཀྱིལ་འཁོར་དུ།། གཏི་མུག་ལས་ཀྱིས
279a4 འཆེལ་པ་རྣམས།། བུམ་པས་ཞི་བྱས་མཐའ་སྦྱིན་བསྲེག། ཞི་བར་གྱུར་པའི་དབྱིངས་སུ་རོལ།། འཇིག་རྟེན་ཁམས་ནི་རབ་འབྱམས་ན།། ཕོངས་པར་གྱུར་པའི་འགྲོ་གང་ལ།། རིན་ཆེན་དཀྱིལ་འཁོར་གསལ་བལྟས
279a5 ལ།། ཙནྡན་ནགས་ཚལ་དྲི་ཞིམ་ཚལ།། མེ་ཏོག་མཛེས་པའི་གླིང་ཡང་ཡོད།། སྐྱེད་མོས་ཚལ་དང་ཉམས་དགའ་རུ།། རིན་ཆེན་ཏིང་འཛིན་བདག་གནས་ལ།། ལྕུག་ཕྲན་མ་ཡི་ཡུམ་མཆོག་བཟུང་།། སེར་བའི་དཀྱིལ
279a6 འཁོར་དཀྱིལ་དུ་ནི།། གསེར་ལས་བྱས་པའི་བུམ་པ་རུ།། ཞལ་ཟས་ལ་སོགས་བླུགས་ནས་ནི།། དཀྱིལ་འཁོར་དབུས་སུ་གཞག་པར་བྱ།། དེ་ཡིས་རྒྱས་པའི་ལས་རྣམས་བྱ།། ང་རྒྱལ་འཇོམས་པའི་དཀྱིལ་འཁོར
iiif viewer powered by OpenSeadragon
