| e-texts navigator |
| Wylie |
278b1 ན།། རྨུགས་པར་བྱེད་པའི་འགྲོ་གང་ལ།། སྣ་ཚོགས་ལས་ཀྱིས་ཞི་བར་བྱ།། བཀྲ་ཤིས་དབེན་པའི་གནས་དག་ཏུ།། བཀྲ་ཤིས་མཚན་ལྡན་ཡུམ་མཆོག་བཟུང་།། རྣམ་སྣང་མཛད་ཀྱི་རྣལ་འབྱོར་རོ།། མི་བསྐྱོད་དཀྱིལ
278b2 འཁོར་བདག་གནས་ལ།། དཀར་ལ་ཟླུམ་པའི་དཀྱིལ་འཁོར་བྲི།། རྡོ་རྗེའི་འོད་ཟེར་འཕྲོ་བས་བརྒྱན།། རྒྱན་རྣམས་མཛེས་པའི་དཀྱིལ་འཁོར་དབུས།། རིན་ཆེན་དངུལ་ལ་སོགས་པ་ཡི།། ཁ་དོག་དཀར་ལས་བྱས
278b3 པའི་བུམ།། མཆུ་འཕྱང་ལྷོ་ཆེ་ཁ་རྒྱན་མཛེས།། སྨན་གྱི་བྱེ་བྲག་མང་པོས་དགང་།། དཀྱིལ་འཁོར་དབུས་སུ་གཞག་པར་བྱ།། དེ་ཡིས་ལས་རྣམས་ཐམས་ཅད་བྱ།། གཏི་མུག་འཇོམས་པའི་དཀྱིལ་འཁོར་རོ།། ཞེ་སྡང
278b4 འཇོམས་པའི་དཀྱིལ་འཁོར་དུ།། རྣལ་འབྱོར་དམ་པ་དེ་ཞུགས་ནས།། རིན་ཆེན་ཁ་དོག་དཀར་པོའམ།། དཀར་ལ་མངར་བ་ཡོད་པའི་ཤིང་།། དེ་ལས་བྱས་པའི་ཕུར་བུ་དྲུག། རྩེ་མོ་ཟླུམ་ལ་མཛེས་པས་བརྒྱན།། དེ་ལ
278b5 དབང་བསྐུར་མཆོད་པ་འབུལ།། ཞི་བའི་ལྷ་ཚོགས་སྤྱན་ཡང་དྲང་།། བྱམས་དང་སྙིང་རྗེའི་སེམས་ལ་གནས།། ཏིང་འཛིན་ལས་སུ་རུང་བའི་མིས།། ལས་རྣམས་ཐམས་ཅད་བརྩམ་པར་བྱ།། ཟླུམ་པོ་གྲུ་གང་ཁྲུ
278b6 ཕྱེད་ཐུར།། ཁ་ཁྱེར་སོར་བཞི་ཞེང་དང་དཔངས།། རྡོ་རྗེའི་ཕྲེང་བའི་འཁོར་ལོས་བསྐོར།། ཁ་དོག་དཀར་པོ་འོད་དང་བཅས།། རྡོ་རྗེས་དབུས་སུ་བརྒྱན་པར་བྱ།། ཡམ་ཤིང་རློན་པ་འདབ་བཅས་རྩེ།། སྦོམ་དུ་ཆག་གང
iiif viewer powered by OpenSeadragon
