| e-texts navigator |
| Wylie |
277a1 ནག་ཡོལ་བ་ཞིང་ཆེན་གུར།། བྷནྡ་གླིང་དྲུག་ནང་དུ་ནི།། གཟས་པའི་གཟུགས་བྱས་གྲུ་གསུམ་ནང་།། དེ་ལྟར་ལེགས་པར་ཚོགས་པ་དང་།། རང་གི་དཀྱིལ་འཁོར་རྫོགས་པར་བལྟ།། ཉུང་དཀར་ཉུང
277a2 ནག་ལ་སོགས་པ།། མ་མོ་མཁའ་འགྲོའི་སྔགས་བཟླས་གདབ།། ཟངས་ཕུར་ལ་སོགས་བདུན་པོ་ཡིས།། དགུག་པ་དག་ཀྱང་ཚུལ་བཞིན་བྱ།། ཕུར་པ་ལ་སོགས་འཛབ་རྣམས་ཀུན།། གཞུང་གི་ལས་རྣམས་ཇི་བཞིན
277a3 ནོ།། ཁུགས་པའི་རྨིས་ལྷས་བྱུང་བ་དང་།། ཐུན་རྣམས་སྒྲོལ་བའི་སྔགས་དང་བཅས།། ཐུན་གྱི་ནང་དུ་བླུག་པར་བྱ།། ཕུར་པ་སོ་སོའི་བསད་པའི་སྔགས།། མང་དུ་བཟླས་ལ་རྨུགས་ནང་བླུག། རྡོ་རྗེའི་སྤྲུགས་པ་རབ
277a4 བླངས་ལ།། མ་མོ་མཁའ་འགྲོ་ཀུན་བཀུག་སྟེ།། གཏོར་མ་རྒྱས་པར་བྱིན་ནས་ནི།། གསོད་པའི་ལས་ལ་རབ་བསྐུལ་བྱ།། དུར་ཁྲོད་གནས་སུ་རབ་བརྟགས་ལ།། ཐོད་པའི་ནང་དུ་མདའ་ཡིས་བརྡེག། སྐྱེར་བའི་གཞུ་ནི
277a5 གྲུ་གང་ལ།། མི་ཡི་ལོ་མས་གཞུ་རྒྱུད་བྱ།། གནས་དག་ཏུ་ནི་རྒྱབ་ནས་ནི།། ཐུན་རྣམས་ཀྱང་ནི་རེ་མོས་བརྡེག། ལྷག་པར་གསོད་པའི་ལས་ལ་མྱུར།། ཕུར་པ་ཟོར་གྱི་ཐུན་ཞེས་བྱ།། ཁྲག་གི་ཐུན་ཡང་གསུངས་པ
277a6 ནི།། བྷནྡ་མཚན་དང་ལྡན་པ་རུ།། དམེ་ཁྲག་རྣམས་ནི་རབ་སྦྱར་ཏེ།། མ་མོ་མཁའ་འགྲོའི་དཀྱིལ་འཁོར་རྣམས།། བདག་ཉིད་དཀྱིལ་འཁོར་གསལ་བལྟས་ལ།། བསྙེན་སྒྲུབ་གྲངས་ནི་ཚང་བ་དང་།། ལས་ལ་བསྐུལ
iiif viewer powered by OpenSeadragon
