| e-texts navigator |
| Wylie |
276b1 ལྔ་ཡིས་འཐས་པར་བྱུག། དུར་ཁྲོད་སོལ་བས་ནག་པོར་བསྐུ།། ལོག་གསུམ་ཐོད་པ་ཆེན་པོ་གསུམ།། ཟུར་དུ་རྡོ་རྗེ་རྩེ་གསུམ་པ།། ཁ་ཁྱེར་ཐོད་ཕྲན་ཁ་ནང་བལྟས།། ཕྱི་རོལ་འཁོར་ལོ་རྩིབས་བརྒྱད་བྲི།། དེ་ལ་དགོད
276b2 པར་བྱ་བའི་རྫས།། ལྷོ་ཕྱོགས་འཁོར་ལོའི་རྩིབས་སྟེང་དུ།། སྨྱུག་མ་སོར་ནི་བཅུ་དྲུག་ལ།། འུག་པའི་སྒྲོ་ནི་བསྐྱོན་ནས་སུ།། སྐྱེར་བའི་མདེའུ་སོར་གསུམ་གཞུག། གཤིན་རྗེའི་གཤེད་དུ་བསྐྱེད་ལ་གཞག། ཤར་ཕྱོགས
276b3 འཁོར་ལོའི་རྩིབས་སྟེང་དུ།། ཁྲ་ཡིས་བསྐྱོན་པའི་མདའ་དེ་བཞིན།། རྣམ་པར་རྒྱལ་ལ་བསྐྱེད་ལ་བཞག། བྱང་ཕྱོགས་འཁོར་ལོའི་རྩིབས་སྟེང་དུ།། སྲིན་བྱས་བསྒོན་པའི་མདའ་དེ་བཞིན།། བདུད་རྩི་འཁྱིལ་པར
276b4 བསྐྱེད་ལ་བཞག། ནུབ་ཕྱོགས་འཁོར་ལོའི་རྩིབས་སྟེང་དུ།། བྱ་རོག་སྒྲོ་བསྐྱོན་མདའ་དེ་བཞིན།། རྟ་མགྲིན་རྒྱལ་པོ་བསྐྱེད་ལ་བཞག། ཞིང་ལྤགས་སྒྲོ་བསྐྱོན་མདའ་དུག་བྱ།། སོ་སོའི་གནས་སུ་སྐུ་བསྐྱེད་གཟུག། དེ
276b5 ལས་བྱུང་བའི་སྲས་ཕུར་བུ།། དུག་ཤིང་གདུག་པའི་ཤིང་དག་ལ།། ཕུར་པ་ཕྲ་མོ་ཚོན་གང་བཅུ།། སྲས་སུ་བྱིན་བརླབས་རྩིབས་མཚན་ལའོ།། བྷནྡྷ་གླིང་བཞིའི་ནང་དུ་ནི།། མ་མོ་མཁའ་འགྲོའི་གཏོར་མ་བྱ།། ཟངས
276b6 ཕུར་ལ་སོགས་འགུགས་པའི་རྫས།། རྣལ་འབྱོར་མདུན་དུ་གཟུག་པར་བྱ།། ཐོད་པ་ལེའུ་ཚེ་བདུན་ནང་དུ།། ཉུང་དཀར་ཉུང་ནག་བྲག་ནག་མཚོ།། ཁྲག་དང་དུག་ནི་སྣ་ཚོགས་དང་།། རྡེའུ་ནག་པོ་སྐེ་ཚེ་དགྲམ།། མཐིང
iiif viewer powered by OpenSeadragon
