| e-texts navigator |
| Wylie |
276a1 དང་སྦྱར་བའི།། བདུད་རྩིས་ཆུ་ཡིས་རབ་བཀྲུས་ལ།། བ་དམར་འོ་མ་དང་སྦྱར་ཏེ།། རིལ་བུ་བྱས་ལ་སྣོད་དུ་སྦ།། དེ་ནི་གནས་སྤྱོད་འཁོར་ལོའོ།། དུག་གིས་སྒྲོལ་བ་ཡང་གསུངས་ཏེ།། སྦྱར་དུག་ལ
276a2 སོགས་དུག་ཆེན་བརྒྱད།། ཐོད་པ་གླིང་དྲུག་ནང་དུ་བླུག། སྨྱོ་བའི་རྫས་ཀྱིས་རབ་སྦྱར་ལ།། དེ་ལ་དུག་ཆེན་བྱིན་བརླབ་བྱ།། འོད་ཟེར་ལྕགས་ཀྱུར་འཕྲོས་པ་ཡིས།། འཇིག་རྟེན་ཁམས་ན་གནས་པ་ཡི།། དུག་ཆེན
276a3 བརྒྱད་པོ་དེ་བཀུག་ལ།། སྦྱར་བའི་དུག་ཆེན་དེ་ལ་བསྟིམ།། ཧ་ལ་ཧ་ལ་ཆེན་པོར་བརྟགས།། སེམས་ཅན་གང་གིས་མཐོང་བ་རྣམས།། ལུས་ངག་ཡིད་གསུམ་གྲོལ་བར་བསམ།། དེ་ལས་འོད་དང་དུ་བ་དང་།། མེ་ལྕེ
276a4 རབ་ཏུ་འབར་མཐོང་ན།། དྲི་མ་དྲུག་ལས་བྱས་པའི་གཟུགས།། འཁོར་ལོའི་དབུས་སུ་བཞག་ནས་ནི།། ཙ་ར་ནག་པོའི་དཀྱིལ་འཁོར་དུ།། མེ་རེག་མ་ཡིས་ཡོངས་བཟུང་སྟེ།། དེ་ལ་བཀུག་ཅིང་བསྟིམས་བྱས
276a5 པས།། ཁུགས་པའི་ཁ་སྤྲས་ཐེབས་པ་དང་།། དེ་ཡི་ཁ་རུ་བླུད་པར་བྱ།། ཐུན་བཞིའི་བར་དུ་སྤེལ་ཞིང་བླུད།། སྒྲུབ་པ་ཉ་གསུམ་དག་ལ་གཟུག། ལས་དུས་བཅོ་བརྒྱད་བཅུ་དགུ་དང་།། ཉི་ཤུའི་བར་དུ་འབད་དེ་བྱ།། དེ
276a6 ཡིས་འཆི་བར་གདོན་མི་ཟའོ།། ལས་དེ་དུག་ཐུན་ཞེས་བྱའོ།། དེ་ནས་མདའ་ཡི་ཐུན་གསུངས་པ།། ཁྲུ་གང་གྲུ་བཞིའི་དཀྱིལ་ཉིད་དུ།། གྲུ་གསུམ་ལ་སོགས་སོར་ཉི་ཤུ།། འཕང་དང་ཞིང་དུ་སོར་གསུམ་བྱ།། བདུད་རྩི
iiif viewer powered by OpenSeadragon
