| e-texts navigator |
| Wylie |
275b1 བསླང་།། དེ་ཡིས་འགྲུབ་པར་རྒྱལ་བས་གསུངས།། འདི་ཡིས་མི་འགྲུབ་མི་སྲིད་དོ།། མ་གྲུབ་སྤོགས་པའི་ཆོ་གའོ།། བ་དམར་འོ་མས་འཁོར་ལོ་བཀྲུའོ།། བདེ་གཤེགས་གཤེགས་གསོལ་མཆོད་འབུལ་ག
275b2 དབ།། འཁོར་ལོ་བཞི་པོ་ཐོད་པར་སྦ།། ཡི་གེ་ཐུགས་བསྡུས་བདག་ལ་བསྟིམ།། འཁོར་ལོ་གཞལ་ཡས་གདན་སྟེང་གསལ།། གསལ་བ་གསུམ་ལ་དམིགས་པར་བྱ།། ཕྱི་མོ་གནས་སུ་ཡང་དག་དགོད།། གྲུབ་ནས་གསོ
275b3 བའི་ཆོ་གའོ།། སྐྲོད་པའི་འཁོར་ལོ་ཡང་གསུངས་པ།། ལྟེ་བར་ས་ཡི་དཀྱིལ་འཁོར་ལ།། གྲོང་ཁྱེར་ལ་སོགས་གཟུགས་བྲིས་ཏེ།། དེ་ཡི་ཕྱི་རོལ་འཁོར་ལོ་བྲིས།། འཁོར་ལོ་ལ་ཡང་ཡིག་འབྲུ་དགོད།། གྲུ་ཆད་བཞི་ལ
275b4 ཡཾ་བཀོད་ལ།། ཡཾ་ལས་རླུང་གི་དཀྱིལ་འཁོར་ཏེ།། མཐའ་མ་བཞི་རུ་ཛྙཱ་བརྩེགས་བཞི།། རླུང་གི་དཀྱིལ་འཁོར་སྐྱོད་བྱེད་ཡིན།། བསྙེན་པ་ལ་ཡང་གྲངས་ལས་འདས།། སྒྲུབ་པ་ཁྲི་ཕྲག་གཅིག་ཏུའོ།། ལས་དུས་སྟོང་རྩ
275b5 གཅིག་ཏུ་བྱ།། དང་པོ་རླུང་སྒྲ་གཉིས་པར་ལྡེག། དེ་ལྟའི་མཚན་མ་བྱུང་བ་དང་།། དུར་ཁྲོད་རས་ལ་རྔ་མོ་བྲི།། ལྟེ་བའི་སྟེང་དུ་འཁོར་ལོ་བྲི།། རྐང་ལག་བཞི་ལ་ཡཾ་ཡང་དགོད།། ཁྲོ་བོ་བཅུ་ཡི་སྔགས་ཀྱིས
275b6 བསྐོར།། གྲོང་ཁྱེར་གྲོང་རྡལ་གང་ཡང་རུང་།། སྒོ་ཡི་ཐེམ་འོག་བཅུག་ལ་བཞག། དེས་ནི་གནས་ནས་བསྐྱོད་པར་ངེས།། གནས་ནས་བསྐྱོད་པར་གྱུར་པ་དང་།། ཐེམ་འོག་འཁོར་ལོ་ཕྱུང་ནས་སུ།། བོང་བུའི་བདུད་རྩི
iiif viewer powered by OpenSeadragon
