| e-texts navigator |
| Wylie |
274b1 སུ་རུང་བའི་མི།། མི་ཞེས་བྱ་བ་བདེ་གཤེགས་ཡིན།། བཅོམ་ལྡན་འདས་ཞེས་གུད་ན་མེད།། ཅེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀི
274b2 ལ་ཡ་བཅུ་གཉིས་ཀྱི་མདོ་ལས།། ཏིང་ངེ་འཛིན་རིམ་པར་ཕྱེ་བའི་ལེའུ་སྟེ་ཉི་ཤུ་པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་འདི་སྐད་ཅེས་གསོལ་ཏོ།། ཀྱེ་ཀྱེ
274b3 དཔའ་བོ་བརྗིད་པའི་སྐུ།། ལས་ཀྱི་བདག་པོ་ཁྱོད་ལ་འདུད།། རྣལ་འབྱོར་བསྟན་ལ་འཚེ་གྱུར་དང་།། སངས་རྒྱས་བསྟན་པ་བཤིག་བྱེད་དང་།། རྣལ་འབྱོར་ཡོངས་ཀྱི་དགྲར་གྱུར་ལ།། ཕུར་པས་བསྒྲལ་བར་གསུངས
274b4 ལགས་ན།། དུག་ལ་སོགས་པའི་ཐུན་རྣམས་ཀྱིས།། བསྒྲལ་བ་ལ་སོགས་ཇི་ལྟར་བགྱི།། བདེ་བར་གཤེགས་པས་ལུང་བསྟན་གསོལ།། ཞེས་གླེངས་པ་དང་།། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི
274b5 ལ་ཡས་འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། དུ་ག་ལ་སྩོགས་པས་བསྒྲལ་བ་རྣམས།། ངེས་པ་ཁོ་ནར་ངས་བཤད་ཀྱིས།། རྩེ་གཅིག་སེམས་ཀྱིས་ང་ལ་ཉོན།། དང་པོ་འཁོར་ལོས་བསྒྲལ་བ
274b6 བསྟན།། དང་པོ་ཕྱི་ཡི་འཁོར་ལོ་བཅའ།། རྩིབས་ནི་བཞི་བཅུ་རྩ་བརྒུད་ལ།། མིང་བྱང་གཉིས་དང་ལྡན་པར་བྲི།། དེ་ལས་འཁོར་ལོ་བཞི་རུ་བཅའ།། སྔགས་རྣམས་བསྡུས་ཏེ་གསལ་བར་དགོད།། དང་པོ་དགུག་པའི
iiif viewer powered by OpenSeadragon
