| e-texts navigator |
| Wylie |
274a1 འགྲོ་ལས་མཁན་རྣམས།། ཡུལ་འདིར་གནས་པའི་ལྷ་འདྲེ་ཀུན།། མ་མོ་སྡེ་གདོན་ལྷ་འདྲེ་རྣམས།། དཀོན་མཆོག་དྲི་མེད་མཆོད་རྟེན་དང་།། གཙུག་ལག་ཁང་གི་སྲུང་མ་རྣམས།། ལས་ངན་ཉམས་པ
274a2 འདི་གཏད་ཀྱི།། བསྐལ་པའི་མཐར་ཡང་མ་བཏང་ཞིག། རུས་མིང་བཅུག་ལ་ཚུལ་བཞིན་གླན།། མདོག་ནི་མི་འདྲ་སོ་སོར་བྱ།། དཀར་བ་ལ་སྩོགས་བྱ་བ་ཡིན།། གཏད་པ་རྒྱུན་ཀྱི་ཏིང་འཛིན་ཡིན།། ཚེ་ལུང་གནས
274a3 པའི་བྱང་ཆུབ་སེམས།། ཞུ་དང་གནས་པ་ཉིད་བརྟགས་ལ།། བྱང་ཆུབ་སེམས་ཆུ་ཡུམ་གྱི་མཁའ།། བདེ་བར་གཤེགས་པའི་སྐུ་བསྐྱེད་ལ།། ཕྱི་ནང་གསང་བའི་དབང་ཡང་བསྐུར།། ལུང་བརྟགས་ལ་སོགས་བྱས་ནས
274a4 ནི།། འཇིག་རྟེན་ཁམས་སུ་རབ་སྤྲོས་བཏོན།། སེམས་ཅན་དོན་ལ་བསྐུལ་ལ་གཏང་།། རྡོ་རྗེའི་ཚིག་གིས་བསྐུལ་བ་འདིའོ།། ཧཱུཾ་རྒྱལ་བའི་སྲས་པོ་གཉིས་མེད་གཙོ།། བདེ་ཆེན་བྱང་ཆུབ་སེམས་ལས་བྱུང་།། འཇིག་རྟེན
274a5 ཁམས་ནི་ཐམས་ཅད་ན།། ཉོན་མོངས་ལྔས་གཟིར་སེམས་ཅན་གྱི།། དོན་རྣམས་མ་ལུས་ཁྱོད་ཀྱིས་གྱིས།། ལས་ལ་འབྲས་བུ་ཡོད་ཅེས་བྱ།། གནས་ལུང་རྒྱུན་གྱི་ཏིང་འཛིན་ཡིན།། བདེ་གཤེགས་ཏིང་འཛིན་མཐའ
274a6 ཡས་པ།། ཏིང་འཛིན་རིམ་པ་དཀྱིལ་འཁོར་མཆོག། ལས་སུ་རུང་བའི་རྣལ་འབྱོར་པས།། དེ་ཡི་བརྩམ་པ་ཡིད་བཞིན་འགྲུབ།། གང་ལ་བསམས་ཀྱང་འགྲུབ་པར་འགྱུར།། མི་བྱ་བ་ནི་གང་ཡང་མེད།། ཏིང་འཛིན་ལས
iiif viewer powered by OpenSeadragon
