| e-texts navigator |
| Wylie |
273a1 བའི་ཏིང་འཛིན་ནོ།། གདུག་ཅིང་སྡང་སེམས་ལྡན་པ་ཡི།། ལྷའམ་འོན་ཏེ་བདུད་ཀྱང་རུང་།། ང་ལ་བར་ཆད་བྱེད་པ་རྣམས།། དེ་ཡི་མཐུ་དང་དཔུང་མ་བྱེད།། མཐུ་དང་རྫུ་འཕྲུལ་དཔུང་མ་བྱེད།། མཐུ
273a2 དང་རྫུ་འཕྲུལ་མེད་པར་བྱོས།། དབྱེ་བ་རྒྱུན་གྱི་ཏིང་འཛིན་ཡིན།། ཁྲོ་མོ་རྣམས་ཀྱི་དཀྱིལ་འཁོར་དུ།། རྡོ་རྗེ་ཐོ་བར་བསྡོམ་བྱ་ཞིང་།། དངོས་པོར་གྱུར་པའི་གནས་ཆེན་ཀུན།། རྡུལ་ཕྲན་བཞིན་དུ་བརྡུང་བར་བྱ།། རྡོ
273a3 རྗེའི་ཚིག་ཏུ་བརྗོད་པ་ནི།། རྡུངས་ཤིག་རྡོ་རྗེའི་འབར་བའི་གཏུན།། བཀའ་ལས་འདའ་བྱེད་སྡིག་ཅན་རྣམས།། རྡོ་རྗེ་མེ་དཔལ་སྙིང་བསྲེགས་ནས།། ལུས་ངག་རྡུལ་ཕྲན་བཞིན་དུ་རློགས།། ཁྲོ་མོ་འབར་བའི་གཏུན
273a4 ཁུང་དུ།། རྡོ་རྗེ་ཐོ་བས་བརྡུངས་བྱས་ནས།། ལྷ་ཡང་ཕུང་སྟེ་བརླག་པར་འགྱུར།། བརྡུང་བ་རྒྱུན་གྱི་ཏིང་འཛིན་ཡིན།། རྡོ་རྗེ་ཁྲོས་པས་འབར་བ་དང་།། རྡོ་རྗེ་ཟ་བྱེད་སྲིན་པོ་དང་།། རྡོ་རྗེ་ཁྲག་འཐུང་སྲིན་མོ་དང་།། དེ
273a5 དག་ལ་སོགས་ཞལ་གདངས་པར།། གཟུགས་ཕུང་བཤིག་ལ་བསྟབ་པར་བྱ།། རྡོ་རྗེའི་ཚིག་གིས་འདི་སྐད་བསྐུལ།། ནམ་མཁའི་ཁྲོ་བོ་ཞལ་གདངས་སུ།། ཐུགས་རྗེས་འགྲོ་ཀུན་ཡུད་ལ་བསྟབ།། ངས་བསྟབ་ཁྱོད་ཀྱིས
273a6 ཡུད་ལ་གསོལ།། རོལ་པས་དགྱེས་པའི་གད་རྒྱངས་སྒྲོགས།། རོལ་པའི་ལྕགས་ཀྱུ་འབར་བ་ཡིས།། གཉིས་མེད་ཞལ་དུ་རབ་བསྡུས་ལ།། ཡེ་ཤེས་ཁང་པའི་མེ་ཆེན་གྱིས།། རབ་ཟོས་ལས་ངན་མྱུར་དུ་བསྲེག། བསྟབ
iiif viewer powered by OpenSeadragon
