| e-texts navigator |
| Wylie |
272b1 སྔགས་བརྗོད་བྱས་ཏེ།། བཀྲག་དང་གཟི་མདངས་བདག་ལ་ཐིམ།། ཨ་ཉིད་བྱང་ཆུབ་སེམས་ཀྱི་ཁྲུས།། ཕུར་པ་ཉིད་ཀྱང་གཟི་བྱིན་བསྐྱེད།། འོད་དང་མཐུ་དཔུང་ལྷག་པར་བསྐྱེད།། དེ་ནི་ཚེ་ལུང་ཁྲུས་ལུང་གི། ཏིང་ངེ
272b2 འཛིན་ཞེས་དེ་ལ་བྱའོ།། དེ་ནས་ཕྱོགས་བཅུའི་ཁྲོ་བོ་ལ།། རྡོ་རྗེའི་ཚིག་གིས་འདི་སྐད་བསྐུལ།། དངོས་གྲུབ་པར་ཆད་བྱེད་པའི་བགེགས།། གདུག་ཅིང་སྡང་སེམས་ལྡན་པ་རྣམས།། ཟུང་ཞིག་རྒྱོབ་ཅིག་རྣམ་པར
272b3 ཆིངས།། རྟོགས་ཤིག་གྲོགས་དང་བྲལ་བར་གྱིས།། རེངས་པར་ཁུག་ལ་སྨྲ་རུ་ཆུག། ཕོབ་ཅིག་རྣམ་པར་གཟིར་བར་གྱིས།། ང་ཡི་དབང་དུ་གྱུར་ནས་ནི།། བསྒོ་བའི་བཀའ་འདི་ཉན་པར་གྱིས།། དྲག་པོ་སྤྱི་ཡི་ཏིང
272b4 འཛིན་ཡིན།། རྡོ་རྗེ་ཕྲ་མེན་ཚོགས་རྣམས་ལ།། རྡོ་རྗེའི་ཚིག་ཏུ་འདི་སྐད་བརྗོད།། བྲན་དང་ཕོ་ཉ་བཀའ་ཉན་ཚོགས།། ཁྱོད་ཀྱི་དམ་ཚིག་དུས་ལ་བབ།། སྔོན་གྱི་ཐ་ཚིག་བཅས་པ་བཞིན།། མངོན་སྤྱོད་ཕྲིན་ལས་མྱུར་དུ
272b5 མཛོད།། གལ་ཏེ་ཐ་ཚིག་འདས་གྱུར་ན།། རྡོ་རྗེ་ཆུ་བོས་དེ་སྐད་ངེས།། ཕྲ་མེན་ལས་ལ་བསྐུལ་བ་ཡི།། ཏིང་ངེ་འཛིན་ཞེས་དེ་ལ་བྱ།། དེ་ནས་རྡོ་རྗེའི་ཚིག་ཏུའོ།། སྲས་མཆོག་ལས་ལ་བསྐུལ་བ་ནི།། རྡོ་རྗེ་གསང་བའི
272b6 ཀའ་ལས་ནི།། སྡིག་ཅན་གང་ཞིག་འདའ་བྱེད་པ།། སྟོབས་ཆེན་ཁྲོ་བོ་ཆེན་པོ་ཡིས།། ཀླད་པ་ཚལ་པ་བརྒྱ་རུ་ཁོས།། ཉོན་ཅིག་བགེགས་དང་ལོག་འདྲེན་ཚོགས།། རྡོ་རྗེའི་བཀའ་ལས་འདའ་མ་བྱེད།། གཏུབ་པར་བྱ
iiif viewer powered by OpenSeadragon
