| e-texts navigator |
| Wylie |
271b1 ཁྱེད་ཀྱིས་བཤད་དུ་གསོལ།། ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས་འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། སོ་སོར་རང་རིག་ཏིང་འཛིན་རྣམས།། འདི
271b2 མེད་ལས་རྣམས་འགྲུབ་མི་སྲིད།། དེས་ན་ཏིང་འཛིན་བྱེ་བྲག་བསྟན།། ནམ་མཁའ་དབྱིངས་ཀྱི་དབུས་གནས་པར།། འབྱུང་བའི་དཀྱིལ་འཁོར་གསལ་བལྟས་ལ།། དེ་སྟེང་ཉི་མའི་དཀྱིལ་འཁོར་བསྒོམ།། དེ་དབུས་སོ།
271b3 སོའི་བདག་པོ་བསམ།། རྒྱན་དང་ལྡན་པ་དེ་བརྟགས་ལ།། ལས་རྣམས་ཐམས་ཅད་བརྩམ་པར་བྱ།། ནམ་མཁའ་ཏིང་འཛིན་རབ་བསྒྱུར་བའི།། ཇི་ལྟར་བསམ་པ་བཞིན་དུ་འགྲུབ།། འདི་ནི་ལས་ཀྱི་ཏིང་འཛིན
271b4 ནོ།། དཀྱིལ་འཁོར་མཐིང་ནག་གྲུ་གསུམ་ནི།། དྲག་པོའི་ཐབས་ཀྱི་དཀྱིལ་འཁོར་བརྟག། སྲས་མཆོག་ཕུར་པའི་དཀྱིལ་འཁོར་ནི།། གཉིས་སུ་མེད་པ་ལས་བྱུང་སྟེ།། དེ་ལས་བྱུང་བའི་སྤྲུལ་པའི་ཚོགས།། གནོད་བྱེད
271b5 ལ་སོགས་བསྒྲལ་བར་བརྟག། འདི་ནི་ཏིང་འཛིན་དཀྱིལ་འཁོར་རོ།། འདི་ནི་དཀྱིལ་འཁོར་ཏིང་འཛིན་ནོ།། བདག་ཉིད་དང་པོ་རྣལ་འདུག་སྟེ།། སྙིང་གར་ཉི་མའི་དཀྱིལ་འཁོར་ལ།། ཡེ་ཤེས་རྡོ་རྗེ་རབ་བརྟག་སྟེ།། དེ
271b6 དབུས་ཉི་མའི་དཀྱིལ་འཁོར་བསམ།། དེ་སྟེང་མཐིང་ནག་འབར་བའི་ཧཱུཾ།། དེ་ལ་སྔགས་ཀྱི་ཡི་གེ་རྣམས།། སོ་སོའི་གཞུང་གིས་ལས་བསྐོར་ཏེ།། ཕུར་པ་ལ་ཡང་དེ་བཞིན་ནོ།། བསྙེན་དུས་འོད་འཁོར་གཟི་བརྗིད
iiif viewer powered by OpenSeadragon
