| e-texts navigator |
| Wylie |
260a1 ཀྱི་དབང་བཙན་ནས།། སྐྱེ་བ་གཉིས་ཐོགས་ཕན་ཆད་ན།། ཕུང་པོ་ལྷག་མ་མེད་ཅེས་བྱ།། འདི་ལྟར་འདའ་ཀ་མ་ཡི་སེམས།། རབ་ཏུ་འབད་དེ་ཉམས་སུ་བླངས།། གལ་ཏེ་དེ་ལ་མ་འབད་ན།། བསགས
260a2 པ་འབྲས་བུ་མེད་པར་འགྱུར།། འདའ་ཀ་མ་ཡི་སེམས་ཡོད་ན།། མ་བསགས་འབྲས་བུ་ངེས་པར་སྐྱེ།། ཞེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང
260a3 བ།། ཀཱི་ལ་ཡ་བཅུ་གཉིས་ཀྱི་མདོ་ལས་ལམ་ལ་བགྲོད་ཚུལ་གྱི་ལེའུ་སྟེ་བཅོ་བརྒྱད་པའོ།། ། དེ་ནས་ཡང་ཀརྨ་ཧེ་རུ་ཀས།། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས
260a4 གསོལ་ཏོ།། ཀྱེ་ཀྱེ་བཅོམ་ལྡན་སྔགས་ཀྱི་བདག། སྔགས་འདི་དང་པོར་ཇི་ལྟར་བྱུང་།། སྔགས་བསྡུ་བ་ནི་ཇི་ལྟར་ལགས།། སྔགས་ཀྱི་མིང་ནི་ཇི་ལྟར་ལགས།། ཞེས་གླེངས་པ་དང་། བཅོམ་ལྡན་འདས་བཛྲ་ཀཱི་ལ་ཡས
260a5 འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། དང་པོ་ཡེ་ནས་རྣམ་དག་ལས།། ང་དང་བདག་ཏུ་བརྟག་པའི་དབང་།། འཁོར་བའི་གཟུགས་སུ་བརྟགས་པ་ལས།། དེ་ལུས་ཡི་གེ་ཨ་ལ་བརྟེན།། ཨ་ལས་ཡི་གེ་སྡེ
260a6 དང་བཅས།། ཐབས་དང་ཤེས་རབ་ཡི་གེ་བྱུང་།། དེ་ལ་ཡི་གེ་ཨ་ཞེས་བྱ།། ཡི་གེའི་ཚོགས་ལ་སྡེ་ཚན་དགུ།། སྒྲ་ཡི་ཡི་གེས་ཡོངས་སུ་བརྒྱན།། དེ་ནི་མིང་གི་ཚོགས་ཞེས་བྱ།། ཨཱ་ལི་ལ་སོགས་སྡེ་ཚན་གྱིས།། ཀ་ལ
iiif viewer powered by OpenSeadragon
