| e-texts navigator |
| Wylie |
259a1 སངས་རྒྱས།། རྣམ་པར་སྣང་མཛད་ས་ལ་གནས།། ཕྱི་ནང་ཐམས་ཅད་ཆོས་ཉིད་ལ།། དེ་ལས་སེམས་ཅན་དགོས་འདོད་འབྱུང་།། རིན་ཆེན་འབྱུང་ལྡན་ས་ལ་གནས།། དེ་ལ་བརྗོད་པ་ཡོངས་མི
259a2 འབྱུང་།། གང་ཞིག་དེ་ལས་དཔོག་མི་འགྱུར།། སྣང་བ་མཐའ་ཡས་ས་ལ་གནས།། ཆོས་ཉིད་བརྗོད་མེད་དོན་རྣམས་གྲུབ།། ཐམས་ཅད་དེ་ཡི་རྒྱན་དུ་ཆེ།། དོན་ཡོད་གྲུབ་པའི་ས་ལ་གནས།། བརྗོད་མེད་བརྗོད་བྲལ་ལ
259a3 གནས་ཤིང་།། དེ་ལ་གང་གིས་མི་བསྐྱོད་པ།། རྡོ་རྗེ་འཛིན་པའི་ས་ལ་གནས།། ས་ལ་གནས་པའི་ངང་ཉིད་ལ།། བརྗོད་མེད་བརྗོད་བྲལ་ངོ་བོ་ཉིད།། གང་ལ་འདི་ཞེས་བྱ་བར་ནི།། ཡོད་པ་མ་ཡིན་དེ་ཉིད་དོ།། རྡོ་རྗེ
259a4 སེམས་དཔའི་ངོ་བོ་ཉིད།། ཐམས་ཅད་མ་ལུས་དེ་ཡི་དང་།། རྫོགས་པའི་རྫོགས་པ་མཐར་ཕྱིན་པའི།། བསྒོམ་པའི་ལམ་ལས་ཡོངས་གསལ་བའི།། བར་ཆད་མེད་པའི་ལམ་ལ་གནས།། འབྲས་བུ་མཐར་ཕྱིན་ལམ་ལ
259a5 གནས།། མ་བཅོས་ས་རྣམས་ངེས་པར་ཐོབ།། སྐྲོད་པའི་ཚུལ་ནི་འདི་ལྟ་སྟེ།། ཏིང་འཛིན་ལ་ནི་གནས་པའི་དུས།། ཚོགས་ཀྱི་ལམ་གྱི་སྐབས་སུ་ནི།། བཞི་གསུམ་བཅུ་གཉིས་དྲན་པར་བྱའོ།། སྦྱོར་བའི་ལམ་དུ
259a6 གནས་དུས་སུ།། དབང་པོ་ལྔ་དང་སྟོབས་ལྔ་རྣམས།། མི་བརྗེད་ཡིད་ལ་དྲན་པར་བྱ།། མཐོང་བའི་ལམ་ལ་གནས་པ་དང་།། བསྒོམ་པའི་ལམ་ལ་གནས་པར་དུ།། ཆོས་ནི་བཅོ་བརྒྱད་དྲན་པར་བྱ།། སྦྱིན་པ་ལ་སོགས
iiif viewer powered by OpenSeadragon
