| e-texts navigator |
| Wylie |
258b1 ཁྱེར་མཐོང་།། མི་སྐྱེའི་ཆོས་ལ་བཟོད་པ་ཡི།། ཡེ་ཤེས་ཞེས་ནི་དེ་ལ་བྱ།། འབྲས་བུ་ས་བརྒྱད་བགྲོད་པའོ།། དེ་ལས་ཡོངས་སུ་རྒྱས་གྱུར་ན།། ཆོས་ཉིད་མ་བཅོས་ཉིད་ལ་གནས།། འཁྱགས་ལྟོགས་སྡུག་བསྔལ་མི
258b2 བཟད་པ།། དེ་ཡི་ཉེས་པས་གོས་མི་འགྱུར།། ཕྱི་ཡི་ཡུལ་གྱི་རྣམ་པ་ལ།། སྤྲིན་མེད་ནམ་མཁའ་ལྟ་བུ་སྟེ།། དྲི་མེད་རྣམ་དག་ཡེ་ཤེས་ལ།། འབྲས་བུ་ས་དགུ་འགྲོད་པའོ།། བརྒྱད་པ་དང་ནི་དགུ་པ་ལས།། ཞི་བ་ཕྱོགས
258b3 གཅིག་ལྟུང་བ་སྲིད།། བྱང་ཆུབ་སེམས་ཀྱི་བར་ཆད་རྐྱེན།། དུས་དེར་འབད་པ་དྲག་ཏུ་བརྩོན།། དེ་ལས་ཡོངས་སུ་རྒྱས་གྱུར་ན།། མི་ལྡོག་ཤེས་པ་ཕྱོགས་སུ་སྐྱེ།། ཕྱི་རོལ་མེ་ཏོག་ཀུནྡ་འདྲ།། ཡོངས་སུ་གཏོང་བའི་ཡེ
258b4 ཤེས་ཏེ།། འབྲས་བུ་ས་བཅུ་བགྲོད་པའོ།། ས་བཅུར་གནས་པའི་དུས་ཉིད་དུ།། ཕྱོགས་བཅུའི་རྒྱལ་བ་ཐམས་ཅད་ཀྱིས།། བྱང་ཆུབ་སེམས་ཀྱིས་དབང་བསྐུར་ཏེ།། དབང་དེས་ཤེས་བྱའི་སྒྲིབ་པ་བཅོམ།། འབྲས་བུ
258b5 མཐར་ཕྱིན་དབང་ཞེས་བྱ།། དེ་ཉིད་དུ་ནི་བཅུ་གཅིག་འོད།། མདུང་དང་རལ་གྲི་གདུག་པའི་མཚན།། སྦྲང་བུ་སུ་ཏྲ་ཏི་ལ་ཏ།། ཁྱི་དང་དུར་བྱ་ཀང་ཀ་ཡིས།། ཟོས་སམ་གཙེས་ཀྱང་ཚོར་མི་འགྱུར།། རྔ་དང་རྔ་བོ་ཆེ་དག
258b6 དང་།། རྫ་རྔ་འབྲུག་སྒྲ་ཆེན་པོ་དང་།། དུང་དང་ཆ་ལང་ལ་སོགས་པའི།། སྒྲ་རྣམས་ཡོངས་སུ་བསྒྲགས་གྱུར་ཀྱང་།། དེ་ཡི་ཏིང་འཛིན་ཡོངས་མི་འཕྲོག། འདི་ལྟར་སྣང་བའི་དངོས་པོ་ལ།། སྐད་ཅིག་གཅིག་ལ་མངོན
iiif viewer powered by OpenSeadragon
