| e-texts navigator |
| Wylie |
257b1 མཆོག་གྱུར་པར།། དུས་གསུམ་བདེ་གཤེགས་རྣམས་ཀྱིས་གསུངས།། ཞེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི
257b2 མདོ་ལས་སེམས་བསྡུས་བཞག་ཐབས་ཀྱི་ལེའུ་སྟེ་བཅུ་བདུན་པའོ།། །། དེ་ནས་ཡང་ཀརྨ་ཧེ་ཀས། བཅོམ་ལྡན་འདས་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན
257b3 འབྱུང་གནས་གཙོ།། ཐམས་ཅད་མཁྱེན་པའི་གཙོ་གྱུར་པ།། ཐབས་མཁས་མ་ལུས་བདག་ཉིད་ཅན།། རྫོགས་ཉིད་ཁྱེད་ལ་བདག་བདུད་འཚལ།། སེམས་བསྡུ་བཞག་ཐབས་དེ་ལགས་ན།། དེ་ཡི་འབྲས་བུ་ཇི་ལྟར
257b4 ལགས།། བལྟ་བ་སྤྱོད་པ་ཇི་ལྟར་ལགས།། བཅོམ་ལྡན་ཐབས་མཁས་ལུང་བསྟན་གསོལ།། ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ
257b5 ཏོ།། ཉོན་ཅིག་ཀརྨ་ཧེ་རུ་ཀ། བསྐྱེད་པའི་རིམ་པ་ལས་སུ་རུང་།། འདི་ལྟར་སྣང་བའི་ཆོས་འདི་ལ།། གང་ལྟར་བཏགས་པ་དེར་སྣང་སྟེ།། དམིགས་མེད་ཡིད་ལ་དྲན་བྱས་ན།། འབྲས་བུ་ཁམས་གསུམ་ས་དགུ
257b6 ནོན།། ལམ་གཉིས་མངོན་དུ་གྱུར་པའོ།། རྫོགས་པའི་རིམ་པའི་མངོན་རྟགས་ནི།། འགྲོ་ཉལ་འདུག་སྡོད་ཅི་བརྟགས་ཀྱང་།། གཞན་ལ་སེམས་ནི་འཕྲོས་པ་མིན།། འབྲས་བུ་ས་ནི་དང་པོ་ནོན།། མཐོང་བའི་ལམ་ནི
iiif viewer powered by OpenSeadragon
