| e-texts navigator |
| Wylie |
256b1 གཞན་དུ་མི་གཡོའོ།། དེ་ལས་རང་བཞིན་མེད་བརྟགས་ཏེ།། གང་ལ་དམིགས་པ་མེད་པར་འགྱུར།། འདི་ཡང་སེམས་བསྡུས་གཞག་ཐབས་ཡིན།། དེ་ལས་གཞན་པའི་བསྡུ་བཞག་ནི།། རླུང་གིས་རབ་བསྐྱོད་མེ་སྦར
256b2 ཏེ།། ཡི་གེ་ཡོངས་སུ་ཞུ་བའི་འོད།། གཡས་འབྱུང་ཆོས་སྐུ་ཡོངས་སུ་ནས།། དེ་འོག་རྩ་གཡས་ལོངས་སྤྱོད་ལ།། སྐོར་གསུམ་ཡོངས་ཞུ་བདེ་ཆེན་གནས།། ཧཾ་སྤྲོས་ཕྱིར་འཐོན་ཕྱོགས་བཅུར་སྤྲོས།། ཕྱོགས་བཅུའི་རྒྱལ
256b3 བ་བྱང་ཆུབ་སེམས།། ཐམས་ཅད་བསྡུས་ཏེ་སྟེང་སྒོར་ཐིམ།། ཨ་ཝ་དྷ་ཏཱིའི་གནས་ནས་བྱུང་།། སཾ་བྷོ་ཀ་རུ་སེམས་གཟུང་བྱ།། ལུས་སྤངས་མི་རྟོག་ཡེ་ཤེས་སྐྱེ།། སྟོན་པས་དེ་ལུང་སྒོ་ཞེས་བྱ།། དེ་ནས་འཇུག་པའི་ལམ
256b4 ཞུགས་ཏེ།། སྤྲུལ་པའི་གནས་སུ་བཀའ་ལུང་ནོས།། ཡང་དག་ས་དེར་སེམས་བསྡུ་བཞག། གཉིས་མེད་དོན་གྱི་ལུང་ཐོབ་འགྱུར།། དེ་རུ་མི་གནས་དབུས་ནས་གཤེགས།། ཆོས་སྐུའི་གནས་སུ་ཡང་དག་གནས།། ལུས
256b5 རྣམས་རྣམ་དག་སྐྱེ་བར་འགྱུར།། སྐྱེས་ནས་བསྐལ་པའི་བར་དུ་གནས།། ཆོས་ཀྱི་གནས་སུ་མི་གནས་ན།། ནིརྨཱ་ཎ་ཡི་གནས་སུ་དྲངས།། དེ་རུ་སེམས་བསྡུ་གཞག་པར་བྱ།། རྣམ་རྟོག་མེད་པའི་ཡེ་ཤེས་སྐྱེ།། འབྱུང
256b6 བས་བསྲེག་ཅིང་འཇུག་པའོ།། གནས་སུ་བྱང་ཆུབ་སེམས་འོད་ལ།། རྣལ་འབྱོར་མིག་གི་འོད་ཟེར་གྱིས།། གཡོ་མེད་མི་འགྱུར་འོད་ལ་བལྟ།། དེ་ལྟར་ཡང་དང་ཡང་དུ་བྱ།། སངས་རྒྱས་ཡེ་ཤེས་ནམ་མཁའ་འབྱུང་།། དེ
iiif viewer powered by OpenSeadragon
