| e-texts navigator |
| Wylie |
256a1 ཤིན་ཏུ་དོད་ཅིང་གསལ་བལྟས་ལ།། དབུགས་དབྱུང་འགྲོགས་ནས་གཡས་ནས་སྤྲོས།། མཐོ་གང་མཐོ་དོ་ཇི་སྲིད་པར།། བྱང་ཆུབ་སེམས་ནི་དེ་གཟུང་བྱ།། གལ་ཏེ་ནང་དུ་འཇུག་ན་ཡང་།། དབུགས
256a2 དང་འགྲོགས་ནས་གཡོན་དུ་འཇུག། ཐིག་ལེའི་སྐུ་ལ་ཐིམ་པར་བརྟག། ཡུད་ཙམ་སྐད་ཅིག་ཐུན་ལ་སྩོགས།། ཇི་ལྟར་གནས་པའི་བར་དུ་བརྟག། དེ་ལྟར་རིམ་པ་ཡང་ནས་ཡང་།། སེམས་དེ་ངེས་པར་ཟིན་པ
256a3 དང་།། མཐར་ནི་དམིགས་པར་མི་འགྱུར་ཏེ།། གང་ལ་དམིགས་པའི་སེམས་མེད་པའོ།། ཕྱི་ཡི་ཐིག་ལེའི་རྣལ་འབྱོར་ཏེ།། དེ་ཡང་སེམས་བསྡུས་བཞག་ཐབས་ཡིན།། དེ་ནས་ཡང་ནི་འདི་བསྟན་ཏེ།། གསང་བའི་ཕོ།
256a4 བྲང་དབུས་སུ་ནི།། བྱང་ཆུབ་སེམས་ཆུ་རབ་ཕབ་ནས།། རྡོ་རྗེའི་ཆོ་ག་རྣམ་གསུམ་གྱིས།། བདེ་བར་གཤེགས་པའི་སྐུ་རྣམས་བསྐྱེད།། སྐད་ཅིག་མ་ཡི་རྫོགས་པར་བྱ།། དེ་ཡང་ཤིན་ཏུ་ཕྲ་བ་སྟེ།། པདྨའི་སྣ་རྩེ་ལ
256a5 རྫོགས་བྱ།། དེ་ལ་སེམས་བསྡུས་བརྟན་པར་བཟུང་།། དེ་ལ་སེམས་དེ་བརྟན་པ་དང་།། དུས་གཅིག་ལའམ་རེ་རེ་སྤྲོ།། རིམ་པས་རིམ་པར་གསལ་བར་སྤྲོ།། སྤྲོས་པས་དེ་ལ་སེམས་བཟུང་གཞག། གལ་ཏེ་དེ་ལ་མི
256a6 གནས་ན།། སླར་ཡང་ནང་དུ་གཞུག་པར་བརྟག། དེ་ལ་ནན་ཏན་བསྐྱེད་བྱས་ལ།། སེམས་བསྡུས་ནས་ནི་གནས་པར་བྱ།། དེ་ལ་སེམས་གནས་བརྟན་པར་བཟུང་།། འཇིག་རྟེན་གསུམ་དུ་འཕྲོས་གྱུར་ཀྱང་།། དེ་ལས
iiif viewer powered by OpenSeadragon
