| e-texts navigator |
| Wylie |
254b1 པ་ནི།། ཉོན་མོངས་ཆེ་ཆུང་རྣམ་དག་པའོ།། ཀ་བ་བརྒྱད་ཀྱིས་དབུས་བརྒྱན་པ།། འཕགས་ལམ་བརྒྱད་དུ་རྣམ་དག་རྟགས།། རིན་ཆེན་ཕ་གུ་ལ་སོགས་མཚན།། ཚུལ་ཁྲིམས་རྣམ་པར་དག་པའི་རྟགས།། འདོད་པའི་ལྷ
254b2 མོས་བརྒྱན་པ་ནི།། གཟུགས་སྒྲ་དྲི་རོ་རྣམ་དག་རྟགས།། སྒོ་བཞིར་རྒྱལ་མཚན་བཞི་རྣམས་ནི།། རྣམ་རྟོག་བདུད་ལས་རྒྱལ་བའི་རྟགས།། ཟུར་བཞིར་རྒྱལ་མཚན་བཞི་རྣམས་ནི།། ཕྱི་ཡི་བདུད་ལས་རྒྱལ་བའི
254b3 རྟགས།། ཞིང་གི་བླ་རེ་བྲེས་པ་ནི།། ཐབས་དང་ཤེས་རབ་གཉིས་མེད་རྟགས།། རྡོ་རྗེའི་ར་བས་བསྐོར་བ་ནི།། ཆོས་ཀྱི་འཁོར་ལོ་བསྐོར་བའི་རྟགས།། བུམ་པ་བརྒྱད་ཀྱིས་བརྒྱན་པ་ནི།། བྱང་ཆུབ་སེམས་ཀྱིས་བརྒྱན
254b4 པའི་རྟགས།། དཔག་བསམ་ཤིང་གིས་བརྒྱན་པ་ནི།། ཐུགས་རྗེས་ཡོངས་ལ་ཁྱབ་པའི་རྟགས།། རི་དྭགས་ཤ་ར་ཎས་བརྒྱན་པ།། བྱང་ཆུབ་སེམས་དཔས་བསྐོར་བའི་རྟགས།། ཆོས་ཀྱི་འཁོར་ལོས་བརྒྱན་པ་ནི།། ས
254b5 བཅུའི་བྱང་ཆུབ་སེམས་དཔའ་ལ།། ཆོས་ཀྱི་འཁོར་ལོ་བསྐོར་བའི་རྟགས།། གདུགས་དང་འཕན་གྱིས་བརྒྱན་པ་ནི།། ས་ལ་གནས་པའི་བྱང་སེམས་ཀྱིས།། སོ་སོར་ཆོས་རྣམས་སྟོན་པའི་རྟགས།། རིན་ཆེན་ལྔ་ལས
254b6 གྲུབ་པ་ནི།། ཉོན་མོངས་ལྔ་རྣམས་རྣམ་དག་ཅིང་།། ཡེ་ཤེས་ལྔ་ལས་གྲུབ་པའི་རྟགས།། ནང་དུ་ཐོད་པའི་གཞལ་ཡས་ཁང་།། ང་དང་བདག་འཛིན་བྲལ་བའི་རྟགས།། འོབས་བདུན་གཞལ་ཡས་ཀྱིས་བརྒྱན་པ།། བྱ
iiif viewer powered by OpenSeadragon
