| e-texts navigator |
| Wylie |
251a1 དམར་སེར་གྷསྨ་ལྡང་། སྨ་ཤ་མཐིང་ནག་ཙཎྜ་སེར་སྐྱའོ།། འཁོར་ལོའི་རྩིབས་ལ་གནས་པར་བརྟག། སིདྷ་དཀར་ལ་བྱ་གྦྷི་སྔོ།། སྲྀ་ལ་དམར་ལ་ཤྭ་ན་ལྡང་།། གྲྀ་ཌྷ་སེར་ལ་སྐུ་བ་ཡིན།། ཀང་ཀ་དཀར
251a2 ལ་ཅུང་དམར་བ།། ཀ་ཀ་མཐིང་ནག་ཆེན་མོ་སྟེ།། ཨུ་ལཱ་དམར་ལ་སེར་བའོ།། རྟ་གདོང་དཀར་མོའི་ཆ་ལུགས་ཅན།། ཕག་གདོང་ནག་མོའི་ཚུལ་དུ་སྣང་།། ཉི་ཟླ་མ་ནི་དམར་མོ་སྟེ།། ཐལ་བྱེད་མ་ནི་ལྗང་གུའོ།། སོ
251a3 སོའི་ཕྱག་མཚན་ལ་སོགས་པ།། མཚན་ཉིད་དག་གི་རྣམ་པའོ།། མིང་གིས་བསྐྱེད་པ་ལ་སོགས་པ།། ཇི་ལྟར་བཀོད་པ་བཞིན་དུ་བྱའོ།། བཅོམ་ལྡན་བདེ་གཤེགས་ཁྲག་འཐུང་ལ།། ཤྲ་ན་མུ་ཁས་བསྐོར་བ་ནི།། དཀྱིལ
251a4 འཁོར་དམ་པ་བྲི་བ་སྟེ།། ཤིན་ཏུ་གྲུ་བཞིར་ལྡན་པ་ལ།། ཐིག་བཞི་གདབ་པས་ལིང་ཚེ་དགུ།། དབུས་སུ་ཁྲག་འཐུང་ཆེན་པོ་སྟེ།། ཤར་དུ་གསོད་བྱེད་སེང་གེའི་མགོ། ལྷོ་རུ་འགུགས་བྱེད་སྟག་མོའི་མགོ། ནུབ་ཏུ་རྒྱུག
251a5 བྱེད་ཝ་ཡི་མགོ། བྱང་དུ་ཟ་བྱེད་སྦྲང་མོའི་མགོ། དཀར་དང་སེར་དང་དམར་དང་ལྗང་།། རིམ་པར་ཁ་དོག་ལྡན་པར་བཤད།། ཞལ་གཅིག་ཕྱག་ཀྱང་གཉིས་པ་སྟེ།། ལྕགས་ཀྱུ་ཕུར་བུར་ལྡན་པའོ།། བྱང་ཤར་མཚམས
251a6 ལ་སྤྱང་བཞི་སྟེ།། ནུབ་བྱང་ལ་ཡང་དེ་བཞིན་བརྟག། ལྷོ་ནུབ་མཚམས་ལ་ཁྱི་བརྒྱད་དེ།། ལྷོ་ཤར་ལ་ཡང་དེ་བཞིན་ནོ།། སྒོར་ནི་སྒོ་བ་རྣམས་དང་བཅས།། རྒྱན་རྣམས་ཀུན་ཀྱང་དེ་བཞིན་ནོ།། མཆོད་པ་དབུལ་བ་སོ
iiif viewer powered by OpenSeadragon
