| e-texts navigator |
| Wylie |
250b1 རོ།། སོ་སོའི་དཀྱིལ་འཁོར་བསྟན་པ་ནི།། སོ་སོའི་ཁ་དོག་རིམ་པ་སྟེ།། ཕྱག་མཚན་ལ་སོགས་སྤྱི་བཞིན་བརྟག། རེ་རེ་ལ་ཡང་སོ་སོ་སྟེ།། ཁ་དོག་ཕྱག་མཚན་ལ་སོགས་པ།། ངེས་པ་མེད་པར་རྒྱལ་བས
250b2 གསུངས།། བདེ་གཤེགས་བཅོམ་ལྡན་གཙོ་བོ་ལ།། ཁྲོ་མོ་རྣམས་ཀྱིས་བསྐོར་བ་ནི།། དཀྱིལ་འཁོར་ཉམས་དགའ་དམ་པ་དེའི།། སྐུ་མདོག་རྣམས་ནི་མཐིང་ནག་སྟེ།། ལས་ཀྱི་བྱེ་བྲག་རྣམས་ཀྱིས་གསལ།། བདེ
250b3 གཤེགས་བཅོམ་ལྡན་ཁྲག་འཐུང་ལ།། བདག་ཉིད་ཆེན་མོ་བཞི་ཡིས་བསྐོར།། ཐོད་པའི་འཁོར་ལོ་བཞི་ལ་གནས།། མ་ལས་ཡོངས་བསྐྱེད་གཞན་དང་འདྲ།། དཀྱིལ་འཁོར་དེ་ཡི་སྐུ་མདོག་དུད།། བཅོམ་ལྡན་བདེ
250b4 གཤེགས་ཁྲག་འཐུང་ལ།། ལྷ་མོ་བཞིས་བསྐོར་པདྨ་བཞི།། སྐུ་མདོག་སོ་སོའི་བྱེ་བྲག་སྟེ།། ཀུ་དང་ཤུ་དང་ཙ་དང་ནི།། ཀཾ་ལས་ཡོངས་སུ་བསྐྱེད་པའོ།། བཅོམ་ལྡན་བདེ་གཤེགས་ཁྲག་འཐུང་ལ།། ཅི་བགྱིས་བསྐོར
250b5 བའི་དཀྱིལ་འཁོར་ནི།། པད་གདན་ཉི་ཤུ་རྩ་བཞི་ལ།། ཕྱོགས་ཀྱི་ཆ་ཡིས་དགོད་པར་བྱ།། དཀར་དང་དམར་དང་ལྡང་དང་སེར།། ཁ་དོག་དེ་བཞིན་རབ་ཏུ་བརྟག། སྒོ་ནས་གནས་བཞི་དེ་བཞིན་ནོ།། བཅོམ་ལྡན་བདེ
250b6 གཤེགས་ཁྲག་འཐུང་ལ།། ཕྲ་མེན་ཚོགས་ཀྱི་དཀྱིལ་འཁོར་ནི།། སྤྱི་ཡི་དཀྱིལ་འཁོར་དབྱིབས་འདྲ་ལ།། ནང་དང་ཕྱི་ལ་དེ་བཞིན་དགོད།། ཙོའུ་རི་གསེར་མདོག་ཕྲ་མོ་ཟངས།། བེ་ཏཱ་མཐིང་ནག་གོ་རི་དཀར།། པུཀྐ
iiif viewer powered by OpenSeadragon
