| e-texts navigator |
| Wylie |
249a1 བསྐྱེད།། རི་རབ་སྟེང་དུ་ཧཱུཾ་བསམས་ཏེ།། ཧཱུཾ་ལས་རྡོ་རྗེ་རྒྱ་གྲམ་ལྡང་།། མེ་ལྕེའི་ཕྲེང་བས་བསྐོར་བར་བསམ།། དེ་སྟེང་ཉི་ཟླའི་དཀྱིལ་འཁོར་རོ།། དེ་སྟེང་ཧཱུཾ་ལས་དོན་ཡོད་གྲུབ།། དབུ་གསུམ་ཕྱག་དྲུག
249a2 སྐུ་མདོག་ལྡང་།། གཡས་ན་འཁོར་ལོ་རབ་ཏུ་འཕྱར།། གཡོན་ན་རྡོ་རྗེ་རྒྱ་གྲམ་ཐོགས།། འཁོར་རྣམས་དང་བཅས་པོ་བྲང་གདབ།། ཁྲོ་བོའི་སྟབས་ཀྱིས་ཤིན་ཏུ་གཟིར།། ལས་མ་གྲུབ་པར་བསྐལ་པའི་མཐར།། ཁྱོད
249a3 ཀྱིས་མ་བཏང་བཅོལ་ལ་བཞག། གཞན་ཡང་སྤྲུལ་པ་ལྕམ་དྲལ་དང་།། མ་མོ་མཁའ་འགྲོ་ཅི་བགྱིའི་ཚོགས།། སོ་སོའི་སྔགས་དང་ཕྱག་རྒྱ་དག། ངེས་པ་མེད་པར་རྒྱལ་བས་གསུངས།། དོན་དུ་ཕྱག་རྒྱ་ལ་སོགས
249a4 པ།། ཡང་དག་རྟོགས་ན་ཀུན་ཀྱང་རྒྱ།། མ་རྟོགས་མཚན་མ་རྟོག་པའི་གཞི།། ངེས་པ་མེད་པར་རྒྱལ་བས་གསུངས།། ཞེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང
249a5 བའི་ཡང་གསང་བ། ཀི་ལ་ཡ་བཅུ་གཉིས་ཀྱི་མདོ་ལས་ཕྱག་རྒྱའི་ལེའུ་སྟེ་བཅུ་བཞི་པའོ།། །། དེ་ནས་ཀརྨ་ཧེ་རུ་ཀས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ་འདི་སྐད་ཅེས་གླེངས་སོ།། ཀྱེ་ཀྱེ་བཅོམ་ལྡན
249a6 རྫུ་འཕྲུལ་བདག། བདེ་གཤེགས་ཕྱག་རྒྱ་དེ་ལགས་ན།། རྣལ་འབྱོར་ལས་དང་རྟོག་པ་ལ།། སྐུ་མདོག་ཕྱག་མཚན་མི་འཚལ་ལམ།། སྤྱི་དང་སོ་སོའི་བྱེ་བྲག་ཅི།། ཞེས་གསོལ་པ་དང་། བཅོམ་ལྡན་འདས་ཁྲག་འཐུང
iiif viewer powered by OpenSeadragon
