| e-texts navigator |
| Wylie |
247a1 ཁུ་ཚུར་བཅངས།། མཐེ་ཆུང་གཉིས་ནི་ལུགས་རྒྱུད་སྦྲེལ།། མཛུབ་མོ་གཉིས་གཤིབས་བསྒྲེང་བ་ནི།། ལན་གསུམ་བསྐོར་ནས་དཔྲལ་པར་བཞག། རྟ་མགྲིན་རྒྱལ་པོའི་ཕྱག་རྒྱ་ཡིན།། རྒྱ་བཅིངས་སྔགས
247a2 བཟླས་གཏད་བྱས་ན།། དུག་རྣམས་གཞོམ་པར་བུམ་པ་བྱའོ།། སེར་བ་བཟློག་ན་ཐལ་བས་སོ།། འཇིགས་པ་ལས་ཐར་སྨན་ལྔའོ།། ལག་གཉིས་ཁུ་ཚུར་སོ་སོར་བཅིངས།། རྒྱབ་སྦྲད་མཐེ་ཆུང་ལུ་གུ་རྒྱུད།། མཛུབ
247a3 གཉིས་རྩེ་མོ་སྤྲད་ནས་ཀྱང་།། ཞགས་པ་ལྟ་བུར་བྱས་ན་ནི།། གཞན་གྱིས་མི་ཐུབ་ཕྱག་རྒྱ་ཡིན།། རྒྱ་བཅིངས་སྔགས་བཟླས་གཏད་བྱས་ན།། དུས་གསུམ་སངས་རྒྱས་ཐམས་ཅད་དང་།། ས་བཅུའི་བྱང་ཆུབ་སེམས
247a4 དཔའ་རྣམས།། རབ་ཏུ་གནད་ལ་འབེབས་པར་བྱེད།། གདོན་དང་འབྱུང་པོ་རོ་ལངས་རྣམས།། དུར་ཁྲོད་གཡམ་པས་གཟིར་བར་བྱེད།། ལག་པ་གཉིས་ཀྱི་མཐེ་བོང་གིས།། མཐེ་ཆུང་གཉིས་ཀྱི་སེན་མོ་མནན།། ལྷག
247a5 མ་གསུམ་པོ་དཔུང་མགོར་བསྣོལ།། བདུད་རྩི་འཁྱིལ་པའི་ཕྱག་རྒྱ་ཡིན།། རྒྱ་བཅིངས་སྔགས་བཟླས་གཏད་བྱས་ན།། སངས་རྒྱས་སེམས་ཅན་དོན་ལ་བསྐྱོད།། བྱང་ཆུབ་སེམས་དཔའ་ས་ལ་སྤྱོད།། སྐྱེ་བོའི་བགེགས
247a6 རྣམས་གནས་ལ་བསྐྱོད།། ལག་གཉིས་ཁུ་ཚུར་སོ་སོར་བཅངས།། མཛུབ་གཉིས་བསྒྲེངས་ཏེ་འཁྲིག་མ་བསྣོལ།། ཁམས་གསུམ་རྣམ་རྒྱལ་ཕྱག་རྒྱ་ཡིན།། རྒྱ་བཅིངས་སྔགས་བཟླས་གཏད་བྱས་ན།། སངས་རྒྱས་བྱང
iiif viewer powered by OpenSeadragon
