| e-texts navigator |
| Wylie |
246a1 རྣམས།། རྒྱལ་བར་འདོད་ན་རྒྱལ་བར་འགྱུར།། འཆིང་བར་འདོད་ན་འཆིང་བར་འགྱུར།། ཁམས་གསུམ་སེམས་ཅན་སྨོས་ཅི་དགོས།། ཁྲོ་མོའི་སྟངས་སུ་གནས་བྱས་ཏེ།། གཡས་པ་ཐབས་ཀྱི་གཙོ་ལ
246a2 འཁྱུད།། གཡོན་པ་དུང་དམར་གཙོ་ལ་སྟོབ།། འདི་ནི་ཁྲོས་པའི་རྒྱལ་མོ་སྟེ།། ཡུམ་གྱི་ཕྱག་རྒྱ་འདི་བཅིངས་ནས།། ཉིད་ཀྱི་རྩ་བའི་སྔགས་བཟླས་པས།། དུས་གསུམ་སངས་རྒྱས་ཐམས་ཅད་ཀྱང་།། སྐུ་གསུང་ཐུགས
246a3 རྣམས་རབ་མཉེས་ཏེ།། བདག་གི་དབང་དུ་འདུ་བར་ངེས།། རྐང་པ་མཐིལ་སྦྱར་ཐུར་དུ་གཟུག། གཡས་པ་སྟ་རེ་གྱེན་དུ་འཕྱར།། གཡོན་པ་ཕུར་པ་འདེབས་པའི་ཚུལ།། གཟུགས་པོ་གཅུས་ཤིང་ཟུར་མིག་བལྟ།། འདི
246a4 ནི་སྲས་མཆོག་ཕུར་པའི་རྒྱ།། རྒྱ་འདི་བཅིངས་ཤིང་སྔགས་བཟླས་པས།། སངས་རྒྱས་ཉིད་ཀྱང་འཆིང་འགྱུར་ན།། ཁམས་གསུམ་སེམས་ཅན་སྨོས་ཅི་དགོས།། ལག་གཉིས་ཐལ་སྦྱར་གྱེན་དུ་བསྒྲེང་།། རྐང་པའི
246a5 མཐིལ་སྦྱར་ཐུར་དུ་བཙུགས།། གཅུ་ཞིང་རོལ་པའི་ཚུལ་དུ་སྟོན།། ཧཱུཾ་ཆེན་ཕྱག་རྒྱ་ཡིན་པར་བཤད།། ཕྱག་རྒྱ་བཅིངས་ཤིང་སྔགས་བཟླས་གཏད།། དུས་གསུམ་སངས་རྒྱས་འགུགས་འགྱུར་ན།། རྒྱལ་པོའམ་བུ་མོ
246a6 སྨོས་ཅི་དགོས།། ལག་གཡོན་མཛུབ་བསྒྲེང་སྙིང་གར་བཞག། གཡས་པ་མཛུབ་བཀུག་ལྕགས་ཀྱུར་བྱས།། སྤྱན་བཟློག་སྟངས་ཀྱིས་བལྟ་བ་ནི།། རྣམ་པར་རྒྱལ་བའི་ཕྱག་རྒྱ་ཡིན། སྔགས་བཟླས་རྒྱ་འདི་བཅས་པས
iiif viewer powered by OpenSeadragon
