| e-texts navigator |
| Wylie |
243a1 སྲོག་དབུགས་འགུགས།། ཉམས་པའི་བླ་དང་སྲོག་ལ་ཡ།། ནུབ་ཀྱི་ཕྱོགས་ནས་འབྱུང་བ་ནི།། དམར་མོ་ཉི་མའི་འོད་འཕྲོ་མ།། གདུག་པ་འདུལ་ལ་སྡང་བ་སེལ།། གསོད་ལ་རྔམས་ལ་ལས་ལ
243a2 བརྩོན།། མཆེ་གཙིགས་གཡང་གཞི་གོས་སུ་གོན།། ཕོ་ཉ་སུམ་བརྒྱ་དྲུག་ཅུ་འགྱེད།། སུམ་བརྒྱ་དྲུག་ཅུའི་གཙོ་མོ་སྟེ།། རབ་ཏུ་མི་བསྲུན་བླ་འགུགས་མ།། ཉམས་པའི་བླ་དང་སྲོག་ལ་ཡ།། བྱང་གི་ཕྱོགས་ནས་འབྱུང་བ
243a3 ནི།། ལྗང་ནག་དཀྱིལ་བའི་ཐོད་གདེངས་ཅན།། སེར་མོ་རལ་ཅན་གསུམ་གྱིས་བསྐོར།། ཕྱག་ན་རལ་གྲི་གསོད་ལ་རྔམས།། སུམ་བརྒྱ་དྲུག་ཅུའི་གཙོ་མོ་སྟེ།། སྔོན་ནས་དགྲ་བོའི་བླ་འགུགས་མ།། ཉམས་པའི་བླ་དང
243a4 སྲོག་ལ་ཡ།། ནམ་མཁའི་ལྷ་མོ་ཕུར་པའི་ལྷ།། ལག་བརྒྱ་ལྕགས་ཀྱི་ཕུར་པ་འདྲིལ།། སྤྱན་བརྒྱ་ཁྲག་གི་མཆི་མ་འཛག། ཞལ་བརྒྱ་གདུག་པའི་སྔགས་ཟེར་ཟློས།། ཚེམས་ཀྱིས་སྐྱེ་ཤིའི་རྩ་བ་གཅོད།། ཕུར་པའི་ལས
243a5 མཁན་ཆེན་མོ་ལ།། རབ་ཏུ་མི་བསྲུན་ལས་ལ་བརྩོན།། ཕོ་ཉ་མང་པོ་ཕྱོགས་བཅུར་འགྱེད།། རྡོ་རྗེའི་སྐུ་གསུང་ཐུགས་ལས་སྤྲུལ།། ཉམས་པའི་བླ་དང་སྲོག་ལ་ཡ།། གཞན་ཡང་ཕོ་ཉར་གྲགས་པ་ཀུན།། དེ་དག་ལས
243a6 ལ་བསྐུར་བར་བྱ།། དེ་དག་མངོན་པར་ཁུགས་པ་དང་།། གསད་པའི་ལས་ལ་སྦྱར་བར་བྱ།། ཨོཾ་ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ཎཱཾ།། ཨོཾ་གྷ་གྷ་གྷ་ཏ་ཡ། སརྦ་དུཥྚཱན་མ་ར་ཡ་ཕཊ། ཀཱི་ལི་ཀཱི་ལ་ཡ། སརྦ་པཱ་པཾ་ཕཊ།
iiif viewer powered by OpenSeadragon
