| e-texts navigator |
| Wylie |
240b1 འགྲིབ་ནས་དམྱལ་ཁམས་འཕེལ།། རྣལ་འབྱོར་དམ་ཅན་སྒྱིད་ལུག་ནས།། ཐེག་པ་ཆེན་པོའི་ཆོས་སྒོ་འགག། འདི་དག་བསྒྲལ་བར་བྱས་ན་ནི།། དམྱལ་བའི་གནས་སུ་ཡུན་ཐུང་འགྱུར།། བརྡེག་པའི་དུས་ཚོད་བསྟན
240b2 པ་ནི།། གནམ་སྟོང་དང་ནི་ཚེས་བརྒྱད་དང་།། བཅོ་ལྔ་ཉི་ཤུ་གཉིས་དག་དང་།། བཅུ་དྲུག་དང་ནི་བཅུ་བཞི་དང་།། ཉེར་གསུམ་དང་ནི་བཅོ་བརྒྱད་དང་།། ཉི་ཤུ་ལ་ཡང་བརྡེག་པ་ཡིན།། བཅུ་གསུམ་བཅུ་དྲུག་པར་དག
240b3 དང་།། བཅུ་དགུ་ཉི་ཤུ་དགུ་ལ་ནི།། བརྡེག་པའི་དུས་ནི་བབས་པ་ཡིན།། བཅུ་བདུན་བཅུ་དགུ་ཚེས་གཅིག་དང་།། ཉི་ཤུ་བརྒྱད་དང་གནམ་སྟོང་དང་།། བཅོ་ལྔ་ཚེས་དྲུག་དག་དང་ནི།། བཅུ་གཅིག་ཉི་ཤུ་ལྔ་དག
240b4 དང་།། ཚེས་གསུམ་ཚེས་གཉིས་བཅོ་བརྒྱད་དང་།། ཉི་ཤུ་དང་ནི་ཉི་ཤུ་བདུན།། འདི་ལ་བརྡེག་པར་ཡང་མི་བྱ།། འདི་ལ་བརྡེག་པར་བྱས་ན་ནི།། རྣལ་འབྱོར་འཁོར་དུ་བཅས་པ་བརླག། མིག་དམར་ཕུར་བུ་གཟའ
240b5 རྣམས་ནི།། བརྡེག་པའི་དུས་ལ་བབ་པར་བྱ།། དང་པོ་དཀྱིལ་འཁོར་གཞུང་བཙུགས་ཏེ།། བསྙེན་བསྒྲུབ་ཆོ་ག་ཚང་བྱས་ནས།། འཛབ་གྲངས་བསྙེན་པ་འབུམ་དུ་གདོན།། བཟླས་བརྗོད་ཉིན་མཚན་པར་མི
240b6 གཅད།། བསྙེན་བསྒྲུབ་གཉིས་ཀྱི་རྟགས་རྣམས་ནི།། ལྷ་ཡི་སྐུ་མཐོང་ཕུར་བུ་ལྡེག། རྟགས་བྱུང་ནས་ནི་ལས་ལ་འཇུག། དྲག་པོའི་རྟགས་སུ་བསྟན་པ་ནི།། རབ་ཀྱིས་མངོན་དུ་ཁུགས་པ་འོང་།། འབྲིང་གིས་ལིངྒ
iiif viewer powered by OpenSeadragon
