| e-texts navigator |
| Wylie |
238b1 གཅིག་པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ཁྲག་འཐུང་གི་རྒྱལ་པོ། བཛྲ་ཀཱི་ལར་འདི་སྐད་ཅེས་གསོལ་ཏོ།། ཀྱེ་ཀྱེ་མཆོག་ཏུ་གསང་བའི་བདག། དོན་ཡོད་རྒྱལ་པོ་མཆོག་གི
238b2 གཙོ།། གཉིས་མེད་ལས་བྱུང་དཔའ་བོའི་མཆོག། སངས་རྒྱས་ཀུན་གྱི་ཡབ་ཆེན་པོ།། དྲག་པོའི་ཕུར་པ་གསུངས་པ་རྣམས།། སྔོན་ཚེ་དྲེགས་པ་བསྒྲལ་བའི་ཞིང་།། ད་ལྟའི་རྗེས་བསྒྲུབ་རྣལ་འབྱོར་པས།། དམིགས་ནི
238b3 གང་དང་གང་དུ་བགྱི།། བསྒྲལ་བའི་དུས་ཚོད་ཇི་ལྟར་ལགས།། གཉིས་མེད་དོན་ལ་བདག་ཞུ་འཚལ།། ཞེས་གསོལ་པ་དང་།། བཅོམ་ལྡན་འདས་བཛྲ་ཀཱི་ལ་ཡས།། འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ
238b4 ཀ། བསྒྲལ་བའི་དམིགས་རྣམས་བསྟན་པ་ནི།། ཀུན་ལ་བྱ་བར་གཞུང་ལས་མིན།། ཉམས་པ་བྱ་བ་བདུན་ཡོད་དེ།། དམ་ལས་ཉམས་དང་བཀའ་ལས་ཉམས།། དོན་ལས་ཉམས་དང་ལས་ཀྱིས་ཉམས།། མཚན་མས
238b5 ཉམས་དང་འདོད་པས་ཉམས།། ལོག་པས་ཉམས་དང་བདུན་པོ་ལ།། འདི་ལ་ཉམས་པ་ཞེས་བྱ་སྟེ།། འདི་དག་སོ་སོའི་མཚན་ཉིད་ནི།། མ་འདྲེས་གསལ་བར་ང་ཡིས་བཤད།། སྲོག་ལ་ཉམས་པའི་མཚན་ཉིད་ནི།། ཕ
238b6 དང་མ་དང་མཁན་པོ་གསོད།། སློབ་དཔོན་གསོད་དང་ནང་དམེ་བྱེད།། འདི་ནི་ཉམས་ཀྱང་ལྟུང་བས་ན།། བསྒྲལ་བའི་ཞིང་གཅིག་འདི་ཡིན་ནོ།། ཉམས་ལས་ཉམས་པའི་མཚན་ཉིད་ནི།། རྡོ་རྗེ་སློབ་དཔོན་བཀའ
iiif viewer powered by OpenSeadragon
