| e-texts navigator |
| Wylie |
238a1 བཞི་གསལ་འཕྲོས་ཧཱུཾ་བཞི་ཚོགས་ལ་བསྐྱེད།། དབུ་ལ་རྒྱ་མདུད་བསྟན་པས་ཐབས་ཀྱི་རྟགས།། རྩིབས་ལ་ལོགས་བརྒྱད་བསྟན་པས་ཁྲོ་བོ་བརྒྱད།། རིན་ཆེན་ཟུར་བརྒྱད་བསྟན་པས་ཁྲོ་བོ
238a2 བརྒྱད།། དབུས་སུ་རྒྱ་མདུད་བསྟན་པས་ཤེས་རབ་རྟགས།། རྩེ་མོ་ཟིར་གསུམ་བསྟན་པས་སྐུ་གསུང་ཐུགས།། སྟེང་འོག་གཉིས་སུ་བསྟན་པས་ཁྲོ་བོ་བཞི།། ཁོང་སྟོང་བྱང་ཆུབ་སེམས་ཀྱི་ཐིག་ལེ་ལས།། ཁྲོ་རྒྱལ
238a3 འདུས་པའི་སྲས་མཆོག་ཀཱི་ལ་ཡ།། མ་གཡོས་ཆེ་མཆོག་སྐུ་གསུང་ཐུགས་ཀྱི་བདག། སྡུག་བསྔལ་ལོག་པར་འཁྱམས་པའི་སེམས་ཅན་རྣམས།། ཐུགས་རྗེ་བྱེ་བྲག་དབྱིངས་སུ་སྒྲོལ་མཛད་པ།། ཐབས་ཀྱིས་བསྒྲལ་བའི
238a4 སྐལ་དང་མི་ལྡན་ཡང་།། ཤུགས་ཀྱིས་བསྒྲལ་བའི་ཕྲིན་ལས་མཛད་དུ་གསོལ།། དེ་ནས་ཕྱི་ནང་མཆོད་པས་མཆོད།། བལྟ་བ་ཅི་ལ་དམིགས་བསྟན་པ།། བལྟ་བའི་རྒྱལ་པོ་ངེས་པའི་དོན།། གདོད་ནས་མ་སྐྱེས་ཆོས་ཀྱི
238a5 དབྱིངས།། རྣམ་དག་མ་སྐྱེས་ཤེས་རབ་སྐུ།། མི་འགག་ཆོ་འཕྲུལ་སྙིང་རྗེ་སྟེ།། རིག་པའི་རྒྱལ་པོ་རང་གནས་པ།། ཕྱི་ནང་སྣོད་བཅུད་རྣམ་པར་དག། ཐབས་ཀྱི་རྒྱལ་པོ་བདག་གནས་པས།། འགྲོ་ཀུན་བླ་ན་མེད་པར
238a6 སྒྲོལ།། ཞེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། སྲས་མཆོག་ཕུར་པ་བྱིན་གྱིས་བརླབ་པའི་ལེའུ་སྟེ་བཅུ
iiif viewer powered by OpenSeadragon
