| e-texts navigator |
| Wylie |
237b1 ནི།། ཕྱོགས་བཅུ་དུས་གསུམ་བདེ་གཤེགས་ཀྱི།། ཡབ་ཡུམ་སྲས་དང་བཅས་པ་ཡིས།། ཞེ་སྡང་རྗེས་སུ་དྲན་པའི་སྐུ།། ཡུངས་འབྲུ་གྲངས་མེད་ཕུར་པར་བསྟིམ།། དེ་ནས་སྐུ་གསུང་ཐུགས་ཉིད་ཀྱི།། བདག་ཉིད་ཆེན
237b2 པོར་དབང་བསྐུར་ཏེ།། སོར་མོ་རྒྱབ་ཏུ་བསྣོལ་ནས་ནི།། གུང་གཉིས་བསྒྲེང་བར་ཕུར་བུ་གཞུག། ཨོཾ་དང་བཛྲ་ས་ཏྭ་རཱ།། ཛ་ཧཱུཾ་ཞེས་ནི་བརྗོད་པ་ལས།། སྲས་མཆོག་བདག་ཉིད་ཐུགས་འདྲར་འགྱུར།། དེ་ནས་སོར
237b3 མོ་ཐུག་པོར་བྱ།། ལག་པའི་རྟིང་པས་ཕུར་པ་བཟུང་།། བཛྲ་ཕུར་བུ་ཞེས་བརྗོད་པས།། དེས་ནི་བདག་དང་གསུང་འདྲར་འགྱུར།། དེ་ནས་སོར་མོ་བརྒྱད་བསྣོལ་ཏེ།། མཐེ་བོང་གཤིབས་པའི་བར་དུ་ནི།། ཕུར་པ
237b4 བཅུག་ནས་འདི་སྐད་བརྗོད།། ཨོཾ་དང་ཙྪིནྡ་ཙྪིནྡ་དང་།། ཧ་ན་ཧ་ན་ཏིསྟ་དང་།། ཙཀྲ་ཧཱུཾ་ཞེས་རབ་བརྗོད་པས།། བདག་ཉིད་ཡབ་ཡུམ་བྱང་ཆུབ་སེམས།། རབ་ཏུ་སྤྲོ་ཞིང་དེ་ལ་བསྟིམ།། སྟོང་ཁམས་གང་བའི་མེ་སྟག
237b5 འཕྲོ།། དམིགས་པ་ཐམས་ཅད་དེས་འགྲུབ་པའི།། བྱིན་དང་དབང་ཆེན་ལྡན་གྱུར་ཏེ།། གསང་བ་ཡུམ་གྱི་དབུས་བཞུགས་གསོལ།། གུ་གུལ་ནག་པོའི་དུད་པས་བདུག། ཡུངས་ནག་ཁྲོ་ཆུང་རྒྱལ་པོས་བརྡེག། ལས་ལ
237b6 སྦྱར་བའི་དུས་སུ་ནི།། ལྕགས་སམ་ཤིང་ངམ་གང་ཡོད་ལ།། ཁྱི་ཁྲག་ར་ཁྲག་གིས་བྱུགས་ལ།། དུག་དང་མ་རུངས་པས་ཀྱང་བྱུག། བྱིན་བརླབས་ལག་པར་བླངས་ནས་ནི།། གྱེན་དུ་གསོར་ཞིང་འདི་སྐད་བརྗོད།། ཧཱུཾ
iiif viewer powered by OpenSeadragon
