| e-texts navigator |
| Wylie |
236a1 ཀྱང་།། སྔགས་པས་དེ་ལ་ནན་ཏན་བསྐྱེད།། ཅེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས།
236a2 ཕུར་པའི་རྒྱུ་བསྟན་པའི་ལེའུ་སྟེ་བཅུ་པའོ།། །། དེ་ནས་ཡང་ཀརྨ་ཧེ་རུ་ཀས། འདི་སྐད་ཅེས་གླེང་ངོ་།། ཀྱེ་ཀྱེ་བཅོམ་ལྡན་སེམས་ཀྱི་བདག། གཉིས་མེད་ལས་བྱུང་རྫུ་འཕྲུལ་ཅན།། དཔལ་ཆེན་ཁྱོད་ལ་བདག
236a3 ཞུ་འཚལ།། ཕུར་པ་བསྐྱེད་པ་ཇི་ལྟར་བགྱི།། བྱིན་གྱིས་རླབས་པ་ཇི་ལྟར་བརླབ།། ལྟ་བ་ཅི་ལ་དམིགས་པ་ལགས།། བདེ་བར་གཤེགས་པས་ལུང་བསྟན་གསོལ།། བཅོམ་ལྡན་མགོན་པོས་ལུང་བསྟན་གསོལ།། ཞེས
236a4 གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོས་འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། ཕུར་པ་དང་པོ་བསྐྱེད་པ་ནི།། རྫས་ཀྱི་ཕུར་པ་གཞལ་ཡས་ཁང་།། རྒྱན་དང་ཆས་པར་རྣམ
236a5 པར་བརྟག། བདེ་གཤེགས་ཁྲག་འཐུང་སྤྱན་དྲངས་བཞུགས།། ཕྱི་ནང་གསང་བའི་མཆོད་པ་འབུལ།། འོད་ཞུ་བདག་གི་ཞལ་དུ་ཐིམ།། ལྟེ་བའི་དབུས་ན་བྱང་ཆུབ་སེམས།། རིམ་པ་གཉིས་ཀྱི་ཚུལ་བརྟགས་སོ།། པདྨ
236a6 ལས་འཕྲོས་འོད་ཕུང་ལས།། སོ་སོའི་ཡིག་འབྲུ་ཕྱག་མཚན་གྱུར།། དེ་ལས་སྐུ་བཞེངས་འཇིགས་པའི་ཚུལ།། སྐུ་སྟོད་ཞལ་གཅིག་ཕྱག་བཞི་སྟེ།། སྐུ་སྨད་སྔོ་སངས་ཟུར་གསུམ་པ།། རལ་པ་ཁམ་ནག་གྱེན་དུ
iiif viewer powered by OpenSeadragon
