| e-texts navigator |
| Wylie |
235b1 གྱིས་བརླབ་པ་གཅེས་པར་བཤད།། དེ་བས་ཀྱང་ནི་དམ་ཚིག་གཙོ།། རྣལ་འབྱོར་རྣམས་ལ་དམ་པར་བསྔགས།། དང་པོར་གཞུང་ལས་འབྱུང་བ་བཞིན།། དེ་དག་མ་ནོར་བཤམ་པར་བྱ།། ཚོགས་པས་ཐེ་ཚོམ་མེད
235b2 ཅེས་བྱ།། བཤམས་པས་བྱ་བ་ཆུད་མི་ཟའོ།། ཀུན་གྱི་རྒྱུ་ནི་བྱང་ཆུབ་སེམས།། བྱང་ཆུབ་སེམས་ནི་མངགས་པ་སྟེ།། རྒྱུ་ཡི་རྒྱལ་པོ་གང་ཤར་བའོ།། གཞན་ཡང་ཕུར་པའི་རྒྱུ་བཤད་པ།། ཟངས་ལྕགས་འཁར་བ་གང
235b3 ཡོད་པ།། དེ་ལ་ལེགས་ཤིང་དོད་པར་བྱའོ།། མ་དོད་པ་ཡི་སྐྱོན་རྣམས་ནི།། གང་དགར་བྱས་པས་ཚུལ་ལས་ཉམས།། ཏོམ་ཆལ་བྱས་ན་བཀའ་ལས་འགལ།། རྙེད་བཙན་བྱས་ན་བྱིན་རླབས་ཆུང་།། ཡོད་བཙན་བྱས
235b4 ན་བསྒོམ་མི་བདེ།། ངན་དགུར་བཤམས་ན་རྟོག་པ་འབྱུང་།། ལེགས་པར་བྱས་ན་ཡིད་རང་བཞིན།། ཚོགས་པར་བསགས་ན་གཞུང་དང་མཐུན།། དོད་པར་བྱས་ན་བྱིན་རླབས་ཡོད།། མདོར་ན་རྟོགས་པ་གཙོ་བ
235b5 ཡང་།། རྟོགས་པའི་དོན་ལ་མཐར་ཕྱིན་ན།། རྣམ་རྟོག་ལས་འདི་ཡོངས་མི་དགོས།། རྣམ་པར་རྟོག་ལ་ཁྲོ་འདུལ་བཟང་།། ཉོན་མོངས་པ་ལ་གཉེན་པོས་འཇོམས།། རྟོགས་པ་གསལ་བར་བསམས་པ
235b6 ཤེས།། གཞན་ཚུགས་འདོད་ན་གྲངས་མང་ཟློས།། རྟགས་ཕྱིན་འདོད་ན་ཡུན་དུ་སྲིངས།། དོན་ལ་འཇུག་འདོད་མ་གཡེལ་གྱིས།། རིངས་པར་འདོད་ན་བརྩོན་འགྲུས་བསྐྱེད།། དོན་འདི་ཡིད་ལ་བཞག་ནས
iiif viewer powered by OpenSeadragon
