| e-texts navigator |
| Wylie |
234b1 པས། ཁྲག་འཐུང་རྒྱལ་པོ་བཛྲ་ཀི་ལ་ཡས།། ཀརྨ་ཧེ་རུ་ཀ་ཡི་ཚིག་གསན་ནས།། གསུང་ནི་འདི་སྐད་བཀའ་སྩལ་ཏོ།། ཕུར་པའི་རྒྱུ་རྣམས་ངས་བཤད་ཀྱི།། རྩེ་གཅིག་ཡིད་ཀྱིས་མཉན་པར་གྱིས།། དྲག་པོ་ལྕགས་ཀྱི
234b2 ཕུར་པ་ལ།། གྲི་ལྕགས་མདེ་སྙིང་རྟགས་ཕྱིན་དང་།། གནམ་ལྕགས་ཐོག་གི་ལྕགས་དག་དང་།། གཅོད་དང་རྣོ་དང་སྲ་ལ་སོགས།། ལྕགས་ནི་སྣ་ལྔ་དག་ལས་ནི།། སྟེང་དུ་སོར་གཅིག་རྒྱ་མདུད་བྱ།། བར་དུ་རིན་ཆེན
234b3 ཟུར་བརྒྱད་དེ།། སྐེད་པར་སོར་གཅིག་རྒྱ་མདུད་བྱ།། ཁྲོ་རྒྱལ་གནས་པའི་གཞལ་ཡས་ཁང་།། ཐབས་དང་ཤེས་རབ་ལས་བྱུང་བའི།། རྩེ་མོ་ཟུར་གསུམ་འཇོམས་པ་སྟེ།། ཆོས་དབྱིངས་ཕྱག་རྒྱ་ཡིན་པ་སྟེ།། དྲག་པོའི
234b4 རྐྱེན་དུ་ཡང་དག་བཤད།། དབང་ལ་ཟངས་ཀྱི་ཕུར་པར་བྱ།། རྒྱས་པ་གསེར་ལ་སོགས་པའོ།། ཞི་བ་ཙནྡན་དཀར་པོ་སྟེ།། རྩེ་མོའི་དབྱིབས་ནི་སོ་སོར་བྱ།། གཞན་ཡང་ཚེར་མ་ཅན་གྱི་ཤིང་།། རབ་ཏུ་མི་བསྲུན་གནས
234b5 དག་ནས།། གང་དག་སྐྱེས་པ་གང་ཡིན་དང་།། དུག་དང་གཅན་གཟན་གདུག་པ་དང་།། རབ་ཏུ་གཏུམ་པའི་གནས་དག་ན།། སྐྱེས་པའི་ཤིང་མཆོག་ཚེར་མ་ཅན།། སྐྱེར་པ་དང་ནི་སེང་ལྡེང་དང་།། གང་དག་སྐྱེར་ལྡེང
234b6 མཛེ་མོ་ཤིང་།། རྩ་བའི་ལོགས་སུ་རྒྱ་མདུད་བྱ།། རྩེ་མོའི་ལོགས་སུ་ཟུར་གསུམ་བྱ།། གཞན་ཡང་གདུག་པའི་ཚེར་མ་ཅན།། གོང་མ་དེ་རྣམས་མ་འབྱོར་ན།། གདུག་པའི་ཤིང་མཆོག་གང་རྙེད་བྱ།། ཏིང་ངེ་འཛིན་གྱི
iiif viewer powered by OpenSeadragon
