| e-texts navigator |
| Wylie |
234a1 བ་ནི།། གནོད་སྦྱིན་ཤ་ཁྲག་བྱིན་ལ་བཅོལ།། ཕྲ་མེན་ལས་ལ་བསྐུལ་བ་ནི།། སྙིང་སྣ་མང་པོ་ཕུལ་ལ་བཅོལ།། སྲིན་མོ་ལས་ལ་བསྐུལ་བ་ནི།། སྙིང་སྣ་སྙིང་ཁྲག་ཕུལ་ནས་ནི།། རྣལ་འབྱོར་ལས་འདི
234a2 གྲུབ་པར་གྱིས།། གང་ཡིན་གནས་ནས་དྲང་བར་བྱོས།། དུག་གི་གཏོར་མ་ཟ་རུ་གཞུག། འགོ་བའི་ལྷ་དང་དབྲལ་བ་གཅེས།། འབྲོས་ཀྱིས་མི་ཐར་གནན་གཟིར་བྱ།། མཐུ་དང་རྫུ་འཕྲུལ་ཕྲོགས་པ་དང་།། ཡན་ལག
234a3 འཁུ་མི་ནུས་པར་བྱ།། རྡོ་རྗེ་དྲག་པོའི་ཕུར་པས་གདབ།། མ་མོ་མཁའ་འགྲོ་ལས་མཁན་གྱིས།། ཐུན་གྱི་དབབ་ཅིང་གསད་པར་བྱ།། མཚོན་ཆ་རབ་ཏུ་འབར་བ་ཡིས།། རྐང་པ་གཡས་གཡོན་གང་ཡིན་ནས།། རྡུལ་དུ
234a4 གཏུབ་ཅིང་ཕྱེ་མར་བྱ།། ལྷ་ཡི་ཚོགས་ལ་ཐིམ་པར་བསྟབ།། སངས་རྒྱས་ཉིད་ཀྱང་འཇིག་འགྱུར་ན།། ཁམས་གསུམ་པ་དག་སྨོས་ཅི་དགོས།། ཞེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས
234a5 པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། སྲས་མཆོག་ཕུར་པའི་ལེའུ་སྟེ་དགུ་པའོ།། །། དེ་ནས་ཡང་ཀརྨ་ཧེ་རུ་ཀས་ཡང་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན
234a6 པ་ཐབས་ཀྱི་བདག། སངས་རྒྱས་ཀུན་གྱི་ཡབ་ཆེན་པོ།། སྲིད་གསུམ་གཙོར་གྱུར་བསྒྲལ་བ་ལ།། ཕུར་པའི་རྒྱུ་ནི་ཅི་ལ་བགྱི།། དེ་ཡི་ཚད་ནི་ཇི་ལྟར་འབྱུང་།། གསང་བའི་བདག་པོས་ལུང་བསྟན་གསོལ།། ཞེས་གླེངས
iiif viewer powered by OpenSeadragon
