| e-texts navigator |
| Wylie |
233b1 ནི།། མདུན་དང་གཡས་མཚན་གཡོན་མཚན་ལ།། སྲས་མཆོག་བདུན་པོ་དགོད་པར་བྱ།། འདི་ཡང་སྲས་མཆོག་དཀྱིལ་འཁོར་རོ།། གསོད་པ་ལས་ཀྱི་དཀྱིལ་འཁོར་ནི།། སྲས་མཆོག་ཕུར་པའི་དཀྱིལ་འཁོར
233b2 གྱི།། དབང་ལྡན་ཕྱོགས་ཀྱི་གྲ་ལ་ཡང་།། འབྲུབ་ཁུང་ལས་ཀྱི་དཀྱིལ་འཁོར་ནི།། ཧོམ་ཁུང་གྲུ་གསུམ་གདེངས་པ་ལ།། རྩེ་མོ་ལྷོ་ཡི་ཕྱོགས་སུ་བསྟན།། དུག་གི་ཆུ་ཡིས་ཆག་ཆག་གདབ།། རོ་བསྲེགས་སོལ་བས་ནག
233b3 པོའི་བྱུག། བང་རིམ་གསུམ་དང་ལྡན་པར་བྱ།། ཧཱུཾ་དང་ཕཊ་ཀྱིས་འཁོར་བར་བྲི།། རྩང་ཐོད་མང་པོས་ཁ་བསྐོར་ལ།། ཐོ་བ་ལྕགས་ཀྱུ་འཁྲིགས་པར་དགོད།། དུས་ལ་བབ་པའི་སེམས་ཅན་གཟུགས།། ལས་ལ་བབ
233b4 པའི་རྣལ་འབྱོར་པས།། དྲི་མ་དྲུག་ལ་སོགས་པ་ལ།། མཚན་མ་མིང་དུ་བཅས་པར་བྱའོ།། ཧོམ་ཁུང་ནང་དུ་གཞུགས་པ་ཡིན།། མགོ་ནི་ལྷོ་ནུབ་མཚམས་སུ་བསྟན།། གན་རྐྱལ་དག་ཏུ་གཞག་པར་བྱ།། དེ་ནས
233b5 གདེང་ལྡན་རྣལ་འབྱོར་པས།། རྡོ་རྗེ་དབྱུག་པ་བླངས་ནས་སུ།། ཁྲག་འཐུང་འཁོར་ལ་གནས་པ་ཡི།། གསོད་མ་ལས་མཁན་སྤྱན་དྲངས་ལ།། དེ་ལ་རྡོ་རྗེའི་གཡབ་མོས་གདབ།། དེ་ལ་གཏོར་མ་རྒྱས་པར་བྱིན།། བདག
233b6 ཉིད་ཆེན་པོ་བསྐུལ་བ་ནི།། ཤ་ཆེན་ལ་སོགས་མདུད་རྩི་ལྔ།། གླ་བ་ཤིང་ཀུན་རྒུན་འབྲུམ་གྱིས།། མཆོད་པ་ཕུལ་ལ་ལས་ལ་བཏང་།། ཤྲ་ན་མུ་ཁ་བསྐུལ་བ་ནི།། ཉི་མའི་མཆོད་པ་ཕུལ་བའོ།། ས་བདག་ཆེན་མོ་བསྐུལ
iiif viewer powered by OpenSeadragon
