| e-texts navigator |
| Wylie |
233a1 ཡན་སྙོམས་ཞུགས་པས།། ཡུན་དུ་བསྒྲུབས་ཀྱང་རྟགས་མེད་ཡལ་བར་འགྱུར།། ཞེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀི
233a2 ལ་ཡ་བཅུ་གཉིས་ཀྱི་མདོ་ལས་དྲག་པོའི་དཀྱིལ་འཁོར་རྣམ་པར་བཀོད་པའི་ལེའུ་སྟེ་བརྒྱད་པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ཁྲག་འཐུང་གི་རྒྱལ་པོའི་ཡང་རྒྱལ་པོ་བཛྲ་ཀཱི་ལ་ཡ་ལ
233a3 འདི་སྐད་ཅེས་གསོལ་ཏོ།། ཀྱེ་ཀྱེ་གསང་མཆོག་རོལ་པའི་བདག། སྲས་མཆོག་ཕུར་པའི་དཀྱིལ་འཁོར་གང་།། གསོད་པ་ལས་ཀྱི་དཀྱིལ་འཁོར་གང་།། ཞེས་གསོལ་པ་དང་།། ཀི་ལ་ཡ་ཡིས་བཀའ་སྩལ་པ།། སྲས
233a4 མཆོག་ཕུར་པའི་དཀྱིལ་འཁོར་ནི།། ཡང་དག་ཉིད་དུ་ངས་བཤད་ཀྱིས།། ལུས་ངག་ཡིད་ཀྱིས་གུས་པར་ཉོན།། ལས་ལ་སྦྱོར་བའི་དུས་སུ་ནི།། གསང་བ་ཡུམ་གྱི་དཀྱིལ་འཁོར་ལ།། མེ་འོད་འབར་བས་བསྐོར་བ
233a5 བྲིས།། རོལ་མོའི་རྒྱན་རྣམ་འཁྲིགས་པར་བརྟག། ཕྱོགས་བཞི་མཚམས་བཞི་སྟེང་འོག་བཅུ།། སྲས་མཆོག་ཉི་ཤུ་དགོད་པར་བྱ།། དབུས་སུ་ཉིད་ཀྱི་སྲས་མཆོག་སྟེ།། ཕོ་ཉའི་དཔུང་ཚོགས་མང་པོ་ཀུན།། ཤིན་ཏུ
233a6 གསལ་ཞིང་འབར་བར་བརྟག། འདི་ནི་སྲས་མཆོག་དཀྱིལ་འཁོར་རོ།། དེ་ནས་གཞན་པའི་དཀྱིལ་འཁོར་ནི།། བདག་ཉིད་དཀྱིལ་འཁོར་དམ་པའོ།། ཕོ་བྲང་ལིང་ཚེ་དགུ་པ་ལ།། ཕྱོགས་བཞི་ལེའུ་ཚེ་དག་དང
iiif viewer powered by OpenSeadragon
