| e-texts navigator |
| Wylie |
231b1 བསྟོད།། ཁྲོ་བོ་ལོངས་སྤྱོད་མཛད་ལ་ཕྱག་འཚལ་བསྟོད།། རྡོ་རྗེ་འདུ་འཕྲོ་མཛད་ལ་ཕྱག་འཚལ་བསྟོད།། ཅེས་བསྟོད་དོ།། དེ་ནས་ཡང་ཀརྨ་ཧེ་རུ་ཀས། ཁྲག་འཐུང་གི་རྒྱལ་པོ་བཛྲ་ཀི་ལ་ཡ་ལ་འདི་སྐད་ཅེས་གསོལ
231b2 ཏོ།། ཀྱེ་ཀྱེ་བཅོམ་ལྡན་ཁྲག་འཐུང་བདག། གཉིས་མེད་ལས་བྱུང་ཁྲོ་རྒྱལ་གཙོ།། ལྷ་ལ་དབང་བསྐུར་མི་འཚལ་ལམ།། ཞེས་གསོལ་པ་དང་། ཁྲོ་བོའི་རྒྱལ་པོ་བཛྲ་ཀཱི་ལ་ཡས།། ཀརྨ་ཧེ་རུ་ཀ་ཡི་ཚིག་གསན
231b3 ནས།། གསུང་ནི་འདི་སྐད་བཀའ་སྩལ་ཏོ།། གཉིས་མེད་ལས་བྱུང་ལྷ་མོ་བསྐུལ།། ཕྱོགས་བཅུའི་རྒྱལ་བ་སྤྱན་དྲངས་ལ།། མཆོད་བསྟོད་རིམ་པར་བྱས་ནས་ནི།། གསོལ་གདབ་དབང་སྦྱིན་ནོད་པར་བྱ།། བདག་ཉིད
231b4 དབང་ནོད་རིམ་དབང་བརླབ།། བདག་ཉིད་ལས་བྱུང་ལྷ་མོ་ཡིས།། རབ་བསྐུལ་ལྷ་མོས་རིགས་དབང་བསྐུར།། འཁོར་དང་ལས་ཀྱི་དཀྱིལ་འཁོར་ལའོ།། ལས་ཀྱི་དཀྱིལ་འཁོར་འདི་ལྟ་སྟེ།། དགོན་པའི་གནས་སུ
231b5 དེར་འདུག་ནས།། ཕྱི་མཚམས་རྒྱལ་པོས་བསྲུང་བར་བྱའོ།། དཀྱིལ་འཁོར་བརྒྱད་པའི་ལས་རྣམས་བྱ།། ཕུར་བུ་བཅུ་དང་མཚོན་དུ་བཅས།། མ་མོ་བསྙེན་པའི་དམར་དང་ཨེ།། གཅིག་ཤོས་འདུལ་བའི་དུག་རྣམས
231b6 གསོག། རྣམ་གསུམ་བསྒོམ་པའི་རིམ་པ་བྱ།། སྙིང་པོས་སྐུ་བསྐྱེད་གཙོ་དབུས་བསམ།། ཧཱུཾ་ཆེན་འབར་བ་བཅུ་དང་སྟེང་འོག་འཁོར་ལོ་ལ།། གཏུམ་ཆེན་འབར་བ་བཅུ་ཡང་སྐུ་ཡི་གཡོན།། ཁྱམས་ལ་ཁྲ་ཐབས་སྒོ་ལ
iiif viewer powered by OpenSeadragon
