| e-texts navigator |
| Wylie |
230b1 རྫོགས་པའི།། གཤིན་རྗེ་གཤེད་པོ་ཡབ་ཡུམ་བསྒོམ།། ནུབ་ཕྱོགས་འཁོར་ལོའི་རྩིབས་སྟེང་ལ།། ཀླུ་གདུག་བསྣོལ་བའི་གདན་སྟེང་དུ།། བྱང་ཆུབ་ལྔ་ལས་མངོན་རྫོགས་པའི།། རྟ་མགྲིན་རྒྱལ་པོ་ཡབ་ཡུམ
230b2 བསྒོམ།། བྱང་ཕྱོགས་འཁོར་ལོའི་རྩིབས་སྟེང་དུ།། གནོད་སྦྱིན་བསྣོལ་བའི་གདན་སྟེང་དུ།། བྱང་ཆུབ་ལྔ་ལས་མངོན་རྫོགས་པའི།། སྟོབས་ཆེན་ཡབ་ཡུམ་བསྒོམ་པར་བྱ།། སྒོ་མ་ཡན་ཆད་གཞན་བཞིན་གསལ།། ཧཱུཾ
230b3 བསྒྲིལ་ལྔ་དང་ཉི་ཟླ་དང་།། ཕྱག་མཚན་འོད་དང་བཅས་པ་ལྔ།། སོ་སོར་རྟོག་པ་མེ་ལོང་དང་།། མཉམ་ཉིད་ཡེ་ཤེས་ཆོས་དབྱིངས་དང་།། བྱ་བ་ནན་ཏན་ཡེ་ཤེས་ལྔ།། ཡོངས་སུ་རྫོགས་པའི་སྐུ་རུ་བརྟག། ལས་ཀྱི
230b4 དཀྱིལ་འཁོར་དམ་པ་ཡི།། ཐུགས་ཀྱི་རིགས་ལས་བྱུང་ཞེས་བྱའོ།། དཀྱིལ་འཁོར་དེ་ཡིས་ཕྲག་དོག་འཇོམས།། ལས་ཀྱི་ཕུར་པ་ཡིན་ཞེས་གསུངས།། དཀྱིལ་འཁོར་དེ་དག་ཉིད་ལའང་།། བྱེ་བྲག་ཏུ་ནི་གསུངས
230b5 པའོ།། རྣལ་འབྱོར་བློ་ལྡན་དམ་པ་ཡིས།། རྡོ་རྗེའི་གཡབ་མོས་གཡབ་ནས་ནི།། དབྱིངས་ནས་དཀྱིལ་འཁོར་སྤྱན་དྲངས་མཆོད།། གཉིས་སུ་མེད་པར་བསྟིམ་བྱས་ནས།། བདག་ཉིད་ལྷུན་གྲུབ་དཀྱིལ་འཁོར་ལ།། ཕྱི
230b6 ནང་གསང་བའི་མཆོད་པ་བརྩམ།། བདག་ཉིད་ཐུགས་ཀྱི་འོད་ཟེར་ལས།། ལྷ་མོ་མང་པོ་ཐོན་ནས་ནི།། ཕྱོགས་བཅུའི་རྒྱལ་བ་རྣམས་ལ་མཆོད།། ཕྱོགས་བཅུའི་རྒྱལ་བའི་ཐུགས་ཀ་ནས།། ལྷ་མོ་མང་པོ་སླར་འཐོན
iiif viewer powered by OpenSeadragon
