| e-texts navigator |
| Wylie |
228b1 བརྒྱད།། གྲུ་ཆད་བཞིས་ནི་རབ་ཏུ་བརྒྱན།། སྒོ་བཞི་སྒོ་ཁྱུད་བཞི་དང་ལྡན།། འབར་བའི་བར་ཁྱམས་གཉིས་ཀྱིས་མཛེས།། དབུས་སུ་དྲེགས་པའི་གདན་དག་དང་།། ཕྱོགས་སྐྱོང་གདན་དང་པདྨར་ལྡན།། ཉི་ཟླ་བཞི
228b2 རྣམས་གསལ་བྱས་ནས།། དང་པོ་སྔགས་ཀྱི་བདག་པོར་བསྐྱེད།། དེ་བཞིན་བརྒྱ་དང་བརྒྱད་དུ་བརྒྱད་དང་བརྒྱད་ཀྱང་འདུག་བསྟན།། བཞི་པོ་དག་ཏུ་གང་བསྟན་དང་།། ཉི་ཤུ་རྩ་བརྒྱད་ལ་སོགས་པ།། མཁས་པས
228b3 གཞུང་བཞིན་དགོད་པར་བྱ།། ཤར་གྱི་འཁོར་ལོའི་རྩིབས་དག་ལ།། དྲི་ཟ་བསྣོལ་བའི་གདན་སྟེང་དུ།། རྣམ་རྒྱལ་ཡབ་ཡུམ་བདག་པོ་བསྐྱེད།། ལྷོ་ཕྱོགས་འཁོར་ལོའི་རྩིབས་སྟེང་ལ།། གཤིན་རྗེ་བསྣོལ་བའི་གདན
228b4 སྟེང་དུ།། གཤིན་རྗེ་གཤེད་པོ་ཡབ་ཡུམ་བསྐྱེད།། ནུབ་ཕྱོགས་འཁོར་ལོའི་རྩིབས་སྟེང་དུ།། ཆུ་བདག་བསྣོལ་བའི་གདན་སྟེང་ན།། རྟ་མགྲིན་རྒྱལ་པོ་ཡབ་ཡུམ་བསྐྱེད།། བྱང་ཕྱོགས་འཁོར་ལོའི་རྩིབས་སྟེང
228b5 ལ།། གནོད་སྦྱིན་བསྣོལ་བའི་གདན་སྟེང་དུ།། བདུད་རྩི་འཁྱིལ་བ་ཡབ་ཡུམ་བསྐྱེད།། ཤར་ལྷོ་འཁོར་ལོའི་རྩིབས་སྟེང་ལ།། མེ་ལྷ་བསྣོལ་བའི་གདན་སྟེང་དུ།། དབྱུག་པ་སྔོན་པོ་ཡབ་ཡུམ་སྐྱེད།། ལྷོ་ནུབ་འཁོར་ལོའི
228b6 རྩིབས་སྟེང་ལ།། བདེན་བྲལ་བསྣོལ་བའི་གདན་སྟེང་དུ།། མི་གཡོ་མགོན་པོ་ཡབ་ཡུམ་བསྐྱེད།། ནུབ་བྱང་འཁོར་ལོའི་རྩིབས་སྟེང་ལ།། རླུང་ལྷ་བསྣོལ་བའི་གདན་སྟེང་དུ།། གཞན་གྱིས་མི་ཐུབ་ཡབ་ཡུམ
iiif viewer powered by OpenSeadragon
