| e-texts navigator |
| Wylie |
228a1 བ།། རྩི་ཤིང་ཀེང་ཐོད་གཟིངས་འདྲ་བ།། སྒང་གཤོངས་མི་རོ་སྦས་པ་འདྲ།། འདི་ནི་ཕུར་པ་འདེབས་པའི་གནས།། སེམས་ལ་ཆོས་ཉིད་མི་གསལ་ཞིང་།། ཉམས་དང་ཏིང་འཛིན་གཡེལ་བ་ནི།། གནས
228a2 འདི་དག་ཏུ་བྱ་བ་མིན།། རྣལ་འབྱོར་ཉམས་མེད་དེ་བརླག་འགྱུར།། དེ་བས་གཞུང་དང་མཐུན་པ་ཡི།། བཀྲ་ཤིས་པ་ཡི་གནས་དག་ཏུ།། ཡུན་རིང་བསྲིངས་ན་གདོན་ཏོ་མེད།། དམ་ཚིག་མ་ཉམས་ངེས་ཐུབ་དང
228a3 ཏིང་འཛིན་བརྟན་པའི་བློ་ཅན་གྱིས།། གནས་ནི་དེ་དང་དེ་དག་ཏུ།། ཆོ་གའི་ལས་འདི་བརྩམ་བྱས་ན།། ངེས་པར་འགྲུབ་པ་གདོན་མི་ཟ།། དེ་ལྟ་བུ་ཡི་ས་རྙེད་ནས།། སྣང་དང་མི་སྣང་བདག་པོ་ལ།། རིན་དང
228a4 བདེན་པས་བཀྲོལ་ལ་བསླང་།། དེ་ནས་བྱིན་བརླབ་མཚམས་ཀྱང་གཅད།། མ་རུངས་ཡོད་ན་གཏོར་མ་བྱིན།། དེ་ནས་ཞག་གྲངས་འདི་ཙམ་མམ།། དྲག་པོའི་ལས་འདི་མ་གྲུབ་པར།། གནས་འདི་རྣལ་འབྱོར་བདག
228a5 གཡར་བས།། གཏོར་མ་སྦྱིན་པ་འདི་ལོངས་ལ།། མ་གྲུབ་པར་དུ་གཞན་དུ་དེངས།། དེ་སྐད་བྱས་ལ་གཏོར་མ་སྦྱིན།། བསྒོ་བའི་ལས་རྣམས་གཉེར་ཡང་གཏད།། དེ་ནས་སྟེགས་བུ་གཞུང་བཞིན་བརྩིག། དམ་རྫས
228a6 ཆག་ཆག་གཞུང་བཞིན་བཏབ།། ཁ་དོག་ཚོན་རྣམས་བཀྱེ་བྱས་ནས།། དབུས་ཀྱི་ལྟེ་བའི་ཟླུམ་པོ་ལ།། ཐིག་བཞི་གདབས་པའི་ལིང་ཚེ་བརྒྱད།། དབུས་སུ་དྲག་པོ་གྲུ་གསུམ་བྲི།། མཐའ་མར་ཚོན་གྱི་འཁོར་ལོ
iiif viewer powered by OpenSeadragon
