| e-texts navigator |
| Wylie |
227b1 རྒྱས་འགྲུབ།། མེ་ཏོག་གླིང་དང་རིན་ཆེན་རི།། དཔག་བསམ་ཤིང་དང་སྐད་སྙན་བྱ།། འབྲུ་སྣ་ཚོགས་དང་གནམ་ས་ལེགས།། དབྱིབས་ལེགས་ལུང་པ་རན་པ་ནི།། བཀྲ་ཤིས་གནས་སུ་དབང་དགུག་འགྲུབ།། གནས
227b2 ཀྱི་དམ་པ་ཡིན་པར་བཤད།། དྲག་པོའི་ལས་སུ་བྱ་བ་དང་།། དང་པོར་ཕུར་པ་བསྒྲུབ་པའི་གནས།། གནས་རི་ཚེར་མ་ཅན་གྱི་ཤིང་།། གཅན་གཟན་གདུག་པ་སྣ་ཚོགས་ཡོད།། གནམ་ནི་གྲི་མདའ་རལ་གྲིའི་ཤུལ།། ས
227b3 ནི་གྲུ་གསུམ་མེ་དཔུང་འདྲ།། ལོགས་ལ་དུར་ཁྲོད་གནས་ཡོད་པ། མཁས་པས་བརྟགས་ཏེ་བཙལ་བྱས་ནས།། འདི་ནི་ཕུར་པ་བསྒྲུབ་གནས་ཡིན།། ཚེར་མ་ཅན་གྱི་ཤིང་རྣམས་དང་།། དུག་ཤིང་གདུག་པ་ཡོད་པ
227b4 དང་།། བྲག་ལ་རང་རོད་ཡོད་པ་དང་།། གྲོག་པོ་ངན་པ་གཏིང་ཟབ་དང་།། སྟག་གི་སོ་འདྲ་སྦྲུལ་གྱི་ལྕེ།། སྡིག་པའི་རྭ་འདྲ་ཆུ་སྲིན་ཁ།། བན་གླང་སྣ་འཐབ་བྲག་ཆུའི་བར།། རྐང་གཅིག་ཤིང་དང་མ་རུངས་པ།། འདི་ནི
227b5 སྲས་མཆོག་བསྒྲུབ་གནས་ཡིན།། བསད་པའི་གནས་སུ་བསྟན་པ་ནི།། སྔོན་ཆད་ལྷ་མི་ཕུངས་དང་།། གཡུལ་བཀྱེ་བ་དང་མཚོན་དུ་མ་དང་།། བསད་བཅད་ས་དང་མ་རུངས་འདུས།། སྲིན་པོ་བསྒྲལ་བའི་བཅས་གཞི
227b6 དང་།། སྲོག་ཆགས་བསད་པའི་ཁྲག་རྗེས་དང་།། གཡུལ་ངོ་བགོས་པའི་ས་མཁར་གླིང་།། མང་པོ་བསད་ཅིང་ཕུང་བའི་ས།། བྲག་ནི་སྲིན་པོ་རུས་པ་འདྲ།། རི་ནི་ཐལ་ཕུང་བསྙིལ་བ་འདྲ།། ལུང་པ་མེ་ཡིས་བསྲེག་འདྲ
iiif viewer powered by OpenSeadragon
