| e-texts navigator |
| Wylie |
227a1 རོལ་དུ་བཞག་གོ། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་གདུག་པ་ཅན་བཏུལ་བའི་ལེའུ་སྟེ་བདུན
227a2 པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དགྱེས་པ་ཆེ།། འདི་བསྒྲུབ་འཚལ་བའི་རྣལ་འབྱོར་པས།། གནས་ནི་གང་དང་གང་དུ་བགྱི།། སྐུ
227a3 གསུང་ཐུགས་ཀྱི་དཀྱིལ་འཁོར་གྱི།། བྲེ་བྲག་རྣམས་ནི་ཇི་ལྟར་ལགས།། ཞེས་གསོལ་པ་དང་། དེ་ནས་སྟོན་པ་ཀཱི་ལ་ཡས།། ཀརྨ་ཧེ་རུ་ཀ་ཡི་ཚིག་གསན་ནས།། གནས་ཀྱི་ཁྱད་པར་འདི་གསུངས་སོ།། ཕུར་པ་བསྒྲུབ
227a4 པའི་གནས་རྣམས་ནི།། དུར་ཁྲོད་གནས་དང་ཤིང་གཅིག་དྲུང་།། རྒྱ་གྲམ་ལམ་དུ་བྱ་བ་དང་།། ངམ་གྲོག་གནས་དང་ཁང་སྟོང་དུ།། རྡོ་རྗེ་དྲག་པོའི་དཀྱིལ་འཁོར་བྱ།། ལས་ལ་ཕན་འདོགས་ཡོད་པ་དང་།། གྲིམས
227a5 འབྱིན་ཤུགས་ཀྱིས་ཏིང་འཛིན་གསལ།། དེ་ལ་ཐབས་དང་རྟགས་མེད་ན།། བདག་གི་གཟུགས་ཕུང་བརླག་པ་དང་།། ཚེ་དང་དགེ་བའི་བར་ཆད་འོང་།། ནགས་ཚལ་ཆེན་པོ་ག་ན་བར།། དེར་ནི་ལེགས་པར་དཔྱད་པ
227a6 ཡི།། ཀླུ་ཡི་གནས་དང་འབྱུང་པོའི་སྲང་།། ས་ཡི་བགེགས་དང་འབྱུང་བའི་ས།། ཚ་སྒོ་དམྱལ་བའི་ཆུ་མེད་པར།། ལས་ཀྱི་བྱ་བ་གཞུང་བརྩམས་ནས།། བཀྲ་ཤིས་དོན་གྱི་གནས་ཡིན་པས།། བསྒྲུབ་ཡུན་རིང་བས་ཞི
iiif viewer powered by OpenSeadragon
