| e-texts navigator |
| Wylie |
226a1 མི་གཙང་བའི་རྒྱ་མཚོའི་ནང་ན། དྲན་པ་མེད་པར་གནས་པ་ལས། བཅོམ་ལྡན་འདས་བཛྲ་ཀི་ལ་ཡས། བདུད་རྩི་འབྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐུགས་ཀ་ནས་ཁྲོ་བོ་སྨེ་བ
226a2 བརྩེགས་པ་བཏོན་ནས་མི་གཙང་བའི་རྒྱ་མཚོ་རྔུབས་སོ།། དེ་ནས་བཅོམ་ལྡན་འདས་ཀྱི་ཐུགས་ཀྱི་འོད་ཟེར་ལུས་ལ་བསྟིམས་པས། སླར་དྲན་པ་རྙེད་ནས་བདེན་པ་མཐོང་ངོ་།། དེའི་ཚེ་དཔལ་ཆེན་པོའི་འབངས་སུ
226a3 མནའ་བོར་ཏེ་ལུས་ཁྲོ་བོ་རྣམས་ཀྱི་གདན་ཁྲི་རུ་ཕུལ་ཏེ། གྲུབ་པ་ལང་ཀར་ཁས་འཆེས་ཤིང་ཕྱི་རབས་ཀྱི་རྣལ་འབྱོར་པའི་ཚོགས་བསྐྱང་བར་དམ་བཅས་སོ།། དེའི་ཚེ་ཕྱོགས་སྐྱོང་བ་རྣམས། ཁྲོ་བོ་རྣམས་ཀྱིས་ཞབས
226a4 འོག་ཏུ་བཞག་གོ། དེ་ནས་ཡང་དཔལ་ཆེན་པོ་བཛྲ་ཀཱི་ལ་ཡས། སྲིན་མོའི་ཚོགས་གདུལ་བའི་ཕྱིར། གསང་བ་རོལ་པའི་ཏིང་འཛིན་ལ་སྙོམས་པར་ཞུགས་ནས། ཧཱུཾ་ཧཱུཾ་ཧཱུཾ་ཨེ་ཨཱ་ར་ལི་རུ་ལུ་རུ་ལུ་ཧཱུཾ་ཛཿ། ཞེས་བརྗོད
226a5 པས། དྲེགས་པ་ཆེན་པོའི་མ་དང་བུ་མོ་དང་། ཆུང་མའི་ཚོགས་ཀྱི་གཙོ་མོ་ཉི་ཤུ་རྩ་བརྒྱད་འཁོར་གྲངས་མེད་པ་དང་བཅས་ནས། བཛྲ་ཀཱི་ལ་ཡའི་ཐད་དུ་ཡུད་ཙམ་གྱིས་འདུས་སོ།། འདུས་ནས་ཀྱང་མཁའ་གཅིག་ཏུ
226a6 བཅུག་སྟེ།། སྦྱོར་བ་མཛད་པའི་བྱང་ཆུབ་སེམས་ཀྱི་སྤྲིན་ལས། ཧ་ཧ་ཞེས་བརྗོད་པས། གོ་རཱི་མ་དང་། ཙཽ་རཱི་མ་དང་། པྲ་མོ་ཧཱ་དང་། བེ་ཏཱ་ལཱི་དང་། པུཀྐ་སཱི་དང་། གྷསྨ་རཱི་དང་། སྨ་ཤ་ནཱི་དང་། ཙཎྜ་ལཱི་ལ་སོགས་པ་རེ
iiif viewer powered by OpenSeadragon
