| e-texts navigator |
| Wylie |
222b1 ཀཱི་ལ་ཡ་མ་ཧཱ་ཀྲོ་དྷི་ཧཱུཾ། ཞེས་པས་དེ་བཞིན་ཉིད་ཀྱི་ངང་ལས་ཡུམ་འཁོར་ལོ་རྒྱས་འདེབས་མ་མངོན་དུ་ཕྱུང་སྟེ། ཉིད་ཀྱི་སྐུ་ལ་འཁྲིལ་བའི་ཚུལ་གྱིས་བཞུགས་པར་གྱུར་ཏོ།། དེ་ནས་ཡང་ཡབ་ཡུམ་གཉིས་སུ་མེད་པའི
222b2 བྱང་ཆུབ་ཀྱི་སེམས་ལས། ཧཱུཾ་ཧཱུཾ་ཧཱུཾ་བཛྲ་ཀཱི་ལི་ཀཱི་ལ་ཡ་བི་ཤྭ་ཀྲོ་དྷ་ཛ་ལ་མཎྜལ་ཕཊ་ཕཊ། ཧ་ལ་ཧ་ལ་ཞེས་བརྗོད་པས་དེའི་ཚེ་ཕྱོགས་བཅུའི་སངས་རྒྱས་ཐམས་ཅད་ཀྱིས། ཞེ་སྡང་རྗེས་སུ་དྲན་པར་གྱུར་ཏོ།། ཉིད་ཀྱི་སྐུ
222b3 ལས་ཀྱང་རབ་ཏུ་མི་བཟད་པའི་སྐུ་འབར་བ། གསུང་གཏུམ་ཚིག་ཏུ་སྨྲ་བ་མང་པོ་འཐོན་པ་དེའི་ཚེ། འཇིག་རྟེན་དྲུག་གི་ཕྱོགས་མཚམས་ཐམས་ཅད་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ།། འཁྲུགས
222b4 རབ་ཏུ་འཁྲུགས་སོ།། ཀུན་ཏུ་རབ་ཏུ་འཁྲུགས་སོ།། ཚིག་རབ་ཏུ་ཚིག། ཀུན་ཏུ་རབ་ཏུ་ཚིག་གོ།། འཐོར་རབ་ཏུ་འཐོར། ཀུན་ཏུ་རབ་ཏུ་འཐོར་རོ།། དེ་ལྟར་ཁྲོས་པའི་རྒྱལ་པོའི་ཆོ་འཕྲུལ་བྱུང་བ་དེའི་ཚེ། འཇིག་རྟེན
222b5 ཕུང་བར་བྱེད་པའི་གདུག་པ་ཅན། ལུས་ངག་ཡིད་གསུམ་གྱི་དྲེགས་པ་སྟོན་པའི་དབང་ཕྱུག་ཆེན་པོ་དང་། བརྒྱ་བྱིན་དང་། ཚངས་པ་དང་། དབང་པོ་དང་། ཁྱབ་འཇུག་རྣམས་རང་རང་གི་མཐུ་སྟོབས་སྟོན་ཅིང་རབ་ཏུ
222b6 ཁྲོ་གཏུམ་མོ།། དེ་ནས་འཇིགས་བྱེད་ཀྱི་བདག་པོ་བཛྲ་ཀཱི་ལ་ཡ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཧཱུཾ་ཕཊཿཞེས་བརྗོད་པས། སྐུ་གསུང་ཐུགས་ལས་ཕྱུང་བའི་ཁྲོ་བོ་དེ་དག་གིས། ཕྱོགས་བཅུའི་དྲེགས་པ་ཅན
iiif viewer powered by OpenSeadragon
