| e-texts navigator |
| Wylie |
222a1 གྲམ་བ་དན་བཞིས་མཚན་པ་ཅིག་ཏུ་གྱུར་ཏེ། ཕྲིན་ལས་ཐོགས་པ་མེད་པའི་དོན་མཛད་དོ།། དེ་ནས་ཡང་ཉིད་ཀྱི་ཐུགས་ཀ་ནས་རཾ་བཏོན་ཏེ། རཾ་བཛྲ་ཛ་ལ་རཾ་ཞེས་བརྗོད་པས།། འབྱུང་བ་མེའི་རང
222a2 བཞིན། ཡུམ་གོས་དཀར་མོའི་མཁའ་གྲུ་གསུམ་པ་སྟེ་གཉིས་སུ་མེད་པའི་འབྲས་བུ་སྨིན་པར་མཛད་དོ།། དེ་ནས་ཡང་ཉིད་ཀྱི་ཐུགས་ཀ་ནས། མ་བཏོན་ཏེ་མ་ཧཱ་རཀྟ་ཛ་ལ་མཎྜལ་ཞེས་བརྗོད་པས། ཁྲག་གི་རྒྱ་མཚོའི
222a3 གཏིང་མཐའ་མེད་པ། ཡུམ་མཱ་མ་ཀཱིའི་མཁའ་ཟླུམ་པོ་སྟེ། སྡུག་བསྔལ་དབང་དུ་བསྡུས་ནས་གཉིས་སུ་མེད་པའི་རང་བཞིན་དུ་མཛད་དོ།། དེ་ནས་ཡང་ཉིད་ཀྱི་ཐུགས་ཀ་ནས་སུཾ་བཏོན་ཏེ། སུཾ་ས་མ་ཡ་ཧཱུཾ། ཞེས་བརྗོད
222a4 པས། འབྱུང་བ་སའི་རང་བཞིན། ཡུམ་སངས་རྒྱས་སྤྱན་གྱི་མཁའི་རང་བཞིན་གྲུ་བཞི་པ་བཏོན་ཏེ། ཁམས་གསུམ་ཐམས་ཅད་གཉིས་སུ་མེད་པའི་ཡེ་ཤེས་ཆེན་པོ་ལ་གནས་པར་མཛད་དོ།། དེ་ནས་ཡང་ཉིད
222a5 ཀྱི་ཐུགས་ཀ་ནས། ཀཽ་བཏོན་ཏེ་ཀེ་ནི་རི་ཏི་མཎྜ་ལ་ཞེས་བརྗོད་པས། ཀེང་རུས་ཀྱི་རི་རབ་གཅིག་ཏུ་གྱུར་ཏེ། འཁོར་བ་གནས་སུ་དག་ཅིང་ཆོ་འཕྲུལ་མངོན་པར་འདུ་མཛད་དོ།། དེ་ནས་ཡང་ཉིད་ཀྱི་ཐུགས་ཀ་ནས
222a6 རིན་པོ་ཆེའི་བྷཾ་སྨུག་ནག་བཏོན་ཏེ། བྷྲཱུཾ་བྷནྡ་ཛྙཱ་ན་ཙཀྲ་ཛ་ལ་མཎྜལ་ཞེས་བརྗོད་པས། བྷནྡྷའི་གཞལ་ཡས་ཁང་མཐིང་ནག་རབ་ཏུ་འབར་བ། འབྲས་བུ་ལྔ་མངོན་པར་ཤར་བར་མཛད་དོ།། དེ་ནས་ཡང་ཨོཾ་བཛྲ་ཀཱི་ལི
iiif viewer powered by OpenSeadragon
