| e-texts navigator |
| Wylie |
221b1 གསང་མཆོག་དགྱེས་བདག་གིས།། རྡོ་རྗེ་ཆོས་ཀྱི་ཚིག་གསན་ནས།། ཧཱུཾ་ཞེས་བརྗོད་དེ་རབ་ཏུ་བསྡུས།། རིགས་ལྔ་ལ་སོགས་འཁོར་རྣམས་ཀུན།། ཐུགས་ཀར་བསྡུས་ཏེ་མི་སྣང་མཛད།། ཧཱུཾ་ཞེས་བརྗོད་དེ་གཞལ་ཡས
221b2 བསྡུས།། སྐུ་ཡི་དབྱིངས་སུ་མི་སྣང་མཛད།། ཧཱུཾ་ལས་གྱུར་པའི་འོད་ཟེར་གྱིས།། འཇིག་རྟེན་གསུམ་ཡང་རབ་བསྡུས་ཏེ།། གསུང་གི་གནས་སུ་མི་སྣང་མཛད།། དེ་ནས་བཅོམ་ལྡན་འདས་གསང་བ་མཆོག་གི་བདག
221b3 པོས། ཉིད་ཀྱི་སྐུ་མི་བཟད་པར་རབ་ཏུ་ཁྲོས་པའི་སྐུ་མི་བཟད་པར་བྱ་བའི་ཕྱིར། སྐུ་གསུང་ཐུགས་ལས་གསང་བའི་སྔགས་འདི་བརྗོད་དོ།། ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་རཱ་ཛ་ཡ་ཧཱུཾ་ཞེས་བརྗོད་ཅིང་། རབ་ཏུ་ཁྲོས་པའི
221b4 ཏིང་ངེ་འཛིན་ལ་སྙོམས་པར་ཞུགས་ཏེ། རབ་ཏུ་ཁྲོས་པའི་སྐུ་མི་བཟད་པ་དབུ་སྟོང་མངའ་བ། ཕྱག་སྟོང་ཁམས་ཀྱི་རྡུལ་དང་མཉམ་པ། སྤྱན་བྱེ་བ་སྟོང་མངའ་བ། ཞབས་ཀྱིས་ཕྱོགས་མཚམས་གནོན་པའི་སྐུ་ཤིན་ཏུ་མི
221b5 བཟད་པ་ཞིག་ཏུ་གྱུར་ཏོ།། རབ་ཏུ་མི་བཟད་པ་དེའི་ཐུགས་ཀ་ནས།། ཨེ་བཏོན་ཏེ།། ཨེ་ཨཱ་ཀཱ་ཤ་ཧཱུཾ་ཞེས་བརྗོད་པས། འབྱུང་བ་ནམ་མཁའི་རང་བཞིན། ཡུམ་ཀུན་ཏུ་བཟང་མོའི་མཁའ་གྲུ་གསུམ་པ་སྟེ། ཆོས་ཉིད
221b6 བདེ་བའི་རོལ་པས་བདེ་བ་བསྐྱེད་པར་མཛོད། དེ་ནས་ཡང་ཉིད་ཀྱི་ཐུགས་ཀ་ནས་ཡཾ་ཕྱུང་སྟེ། ཀརྨ་རཀྵ་ཧཾ་ཞེས་བརྗོད་པས། འབྱུང་བ་རླུང་གི་དཀྱིལ་འཁོར་ཡུམ་དམ་ཚིག་སྒྲོལ་མའི་མཁའི་རང་བཞིན་དུ། རྡོ་རྗེ་རྒྱ
iiif viewer powered by OpenSeadragon
